Viral: నాన్నా.. సింహాలు కూడా గుంపులుగా వస్తాయి.. వైరల్ వీడియో మీకోసం..
ABN, Publish Date - Jan 29 , 2024 | 11:12 AM
సింహాలు భూమిపై అత్యంత క్రూరమైన జంతువులు అని చెప్పడంలో ఎలాంటి సందేహం లేదు. వాటి రాజసం, ఠీవి కారణంగా అడవికే రాజు అనే మకుటాన్ని ధరించుకున్నాయి.
సింహాలు భూమిపై అత్యంత క్రూరమైన జంతువులు అని చెప్పడంలో ఎలాంటి సందేహం లేదు. వాటి రాజసం, ఠీవి కారణంగా అడవికే రాజు అనే మకుటాన్ని ధరించుకున్నాయి. వేటాడే సమయంలో వీటి పంజాకు చిక్కుకుని ఎలాంటి జంతువైనా విలవిల్లాడాల్సిందే. క్షణాల్లోనే చంపేసి తినేయగలవు. కాబట్టి సింహాలను చూసేందుకు సందర్శకులు జూ పార్కుకు వెళ్తుంటారు. అయితే మన దేశంలో చాలా ప్రాంతాల్లో రిజర్వు ఫారెస్టులు ఉన్నాయి. కొన్నింటిలో ప్రత్యేకంగా సింహాల మనుగడ కోసం అధికారులు చర్యలు తీసుకుంటుంటారు. పలు ప్రాంతాల్లో వీటిలో జంగిల్ సఫారీకి అనుమతిస్తారు. ప్రస్తుతం సింహాలకు సంబంధించిన ఓ వీడియో సోషల్ మీడియాలో వైరల్ అవుతోంది.
నాన్నా.. పందులు గుంపులుగా వస్తాయి.. సింహం సింగిల్ గా వస్తుంది అని ఓ సినిమాలో హీరో చెప్పే డైలాగ్ కు ఈ వీడియో రివర్స్ గా మారిందా అని అనిపిస్తుంది. ఈ క్లిప్ లో సింహాల గుంపు రోడ్డుపై తిరుగడాన్ని చూడవచ్చు. అక్కడ చాలా వాహనాలు ఆగి ఉన్నాయి. వాహనదారులందరూ డోర్స్ లాక్ చేసుకుని లోపల బిక్కుబిక్కుమంటూ కూర్చున్నారు. ఓ డ్రైవర్ కాస్త ధైర్యం చేసి సింహాలు సంచరిస్తున్న దృశ్యాలను వీడియో తీశాడు. అందులో సింహాలు ఎంత దగ్గరి నుంచి వెళ్తున్నాయో స్పష్టంగా చూడవచ్చు.
వెన్నులో వణుకు పుట్టిస్తున్న వీడియోను ట్విట్టర్‌ - ఎక్స్ లో పోస్ట్ చేశారు. కేవలం 15 సెకన్ల ఈ వీడియోకు 5 మిలియన్లకు పైగా వ్యూస్, 38 వేలకు పైగా లైక్స్ వచ్చాయి. ఈ సంఖ్య ఇంకా పెరుగుతోంది. అంతే కాకుండా వీడియో చూసిన నెటిజన్లు తమ అభిప్రాయాలను కామెంట్ల రూపంలో రాస్తున్నారు.
మరిన్ని వైరల్ వార్తల కోసం ఈ లింక్ క్లిక్ చేయండి.
Updated Date - Jan 29 , 2024 | 11:16 AM
