Viral Video: ఈ తెలివి తేటలు చూస్తే షాకవ్వాల్సిందే.. బైక్ ఇంజిన్‌లతో ఈ వ్యక్తి ఏం చేశాడో చూడండి..

ABN, Publish Date - Nov 26 , 2024 | 03:42 PM

డబ్బు ఖర్చు తగ్గించేందుకు రకరకాల ప్లాన్లు వేస్తుంటారు. ఆ క్రమంలో నూతన ఆవిష్కరణలు చేస్తుంటారు. సోషల్ మీడియా అందుబాటులోకి వచ్చాక అలాంటి ఎన్నో వీడియోలు సోషల్ మీడియాలో వైరల్‌గా మారాయి. ప్రస్తుతం అలాంటిదే ఓ వీడియో సోషల్ మీడియాలో వైరల్ అవుతోంది.

Jugaad Vehicle

మనదేశంలో చాలా మంది తమ బుర్రలకు పదును పెట్టి రోజువారి పనులను సులభంగా చేసేస్తుంటారు. డబ్బు ఖర్చు తగ్గించేందుకు రకరకాల ప్లాన్లు వేస్తుంటారు. ఆ క్రమంలో నూతన ఆవిష్కరణలు చేస్తుంటారు (Jugaad). సోషల్ మీడియా అందుబాటులోకి వచ్చాక అలాంటి ఎన్నో వీడియోలు సోషల్ మీడియాలో వైరల్‌గా మారాయి. ప్రస్తుతం అలాంటిదే ఓ వీడియో సోషల్ మీడియాలో వైరల్ అవుతోంది. వైరల్ అవుతున్న ఆ వీడియోలో ఓ వీధి వ్యాపారి తన తెలివితేటలను ఉపయోగించి బైక్ ఇంజన్‌లతో (Bike engines) ఓ పెద్ద ట్రాలీని (Cart) తయారు చేశాడు. తన వృత్తి పనులను సులభంగా చేసుకుంటున్నాడు. ఆ వీడియో సోషల్ మీడియాలో వైరల్ అవుతోంది (Viral Video).

cars_mixcher అనే ఇన్‌స్టాగ్రామ్ హ్యాండిల్‌లో ఈ వీడియో వైరల్ అవుతోంది. వైరల్ అవుతున్న ఆ వీడియో ప్రకారం.. ఇనుప గ్రిల్స్, ఐరన్ బేస్‌తో ఓ బండి లాంటి నిర్మాణం చేశారు. దానికి రెండు టైర్లు అమర్చారు. రెండు వైపులా ఉన్న టైర్ల ముందు బైక్ ఇంజన్లను అమర్చి చైన్లను తగిలించారు. ఆ ఇంజిన్ల సహాయంతో చక్రాలు తిరుగుతుంటే బండి ముందుకు వెళ్తుంది. ఈ ట్రిక్ చాలా మందిని ఆలోచింపచేస్తోంది. ఈ వీడియోను పాకిస్తాన్‌లో చిత్రీకరించినట్టు తెలుస్తోంది. ఆ వీడియోను పోస్ట్ చేసిన వ్యక్తి పాకిస్తాన్‌లో ఇంజినీరింగ్ చాలా ప్రమాదకరమైనది అని కామెంట్ చేశారు. ఈ వీడియో సోషల్ మీడియాలో వైరల్‌గా మారింది.

ఈ వైరల్ వీడియోను ఇప్పటివరకు రెండు లక్షల మంది వీక్షించారు. 21 వేల మందికి పైగా ఈ వీడియోను లైక్ చేశారు. ఈ వీడియోపై నెటిజన్లు తమ స్పందనలను తెలియజేశారు. ``ఇది హార్లేడేవిడ్ సన్ కాదు.. హార్లేడేవిడ్ ఫాదర్``, ``రెండు ఇంజన్లు ఒకే వేగంతో నడపకపోతే బైక్ బోల్తా పడుతుంది``, ``ఇది చాలా ప్రమాదకర ఇంజినీరింగ్``, ``పాకిస్తాన్‌లోనే ఇలాంటివి సాధ్యం`` అంటూ నెటిజన్లు కామెంట్లు చేశారు.