Viral Video: పిచ్చికి కూడా ఓ హద్దుంటుంది భయ్యా.. ఈ డ్రెస్ చూసి ఉర్ఫీ జావేద్ కూడా భయపడుతుందేమో..

ABN, Publish Date - Oct 29 , 2024 | 03:47 PM

సోషల్ మీడియా జనాలను ఆకట్టుకునేందుకు చాలా మంది రకరకాల వింత ప్రయోగాలు చేస్తుంటారు. తాజాగా ఓ కుర్రాడు బాలీవుడ్ భామ ఉర్ఫీ జావేద్ తరహాలో వెరైటీ డ్రెస్‌తో వీడియో రూపొందించాడు. ఆ వీడియో చూసిన నెటిజన్లు ఆశ్చర్యపోతున్నారు.

Boy wears a strange costume and danced

సోషల్ మీడియా అందుబాటులోకి వచ్చాక ప్రతిరోజు కొన్ని వందల వీడియోలు మన కళ్ల ముందుకు వస్తున్నాయి. వాటిల్లో కొన్ని ఆసక్తికరంగా ఉండి ఆకట్టుకుంటుంటే, మరికొన్ని ఫన్నీగా (Funny Videos) ఉండి నవ్విస్తున్నాయి. సోషల్ మీడియా జనాలను ఆకట్టుకునేందుకు చాలా మంది రకరకాల వింత ప్రయోగాలు చేస్తుంటారు. తాజాగా ఓ కుర్రాడు బాలీవుడ్ భామ ఉర్ఫీ జావేద్ (Urfi Javed) తరహాలో వెరైటీ డ్రెస్‌తో వీడియో రూపొందించాడు. ఆ వీడియో చూసిన నెటిజన్లు ఆశ్చర్యపోతున్నారు. ఆ డ్రెస్ (strange costume) చూసి ఉర్ఫీ జావేద్ కూడా భయపడుతుందేమో అంటూ కామెంట్లు చేస్తున్నారు (Viral Video).

dialog_superstar అనే ఇన్‌స్టాగ్రామ్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియోలో ఓ కుర్రాడు విచిత్ర కాస్ట్యూమ్‌తో డ్యాన్స్ చేస్తున్నాడు. ఆకులను శరీరానికి చుట్టుకుని వెరైటీ వస్త్రధారణలో ఉన్న ఆ కుర్రాడు చాలా మందికి షాకిస్తున్నాడు. రెండు చేతులకు రెండు అరిటాకులను రెక్కల్లా కట్టుకున్నాడు. పై నుంచి కింద వరకు అరటి ఆకులను చుట్టుకున్నాడు. అలాగే కొబ్బరి మట్టలను వెనుక తోకలా తగిలించుకున్నాడు. కాళ్లకు కర్రలతో చేసిన చెప్పులు వేసుకున్నాడు. ఆ వెరైటీ డ్రెస్ వేసుకుని బాలీవుడ్ సాంగ్ ``పంచి బాను ఉడ్తీ ఫిరూ``కు డ్యాన్స్ వేశాడు.

ఈ వీడియో సోషల్ మీడియాలో వైరల్‌గా మారింది. ఈ వైరల్ వీడియోను ఇప్పటివరకు దాదాపు 8 కోట్ల మంది వీక్షించారు. 20 లక్షల కంటే ఎక్కువ మంది ఈ వీడియోను లైక్ చేశారు. ఈ వీడియోపై నెటిజన్లు తమదైన శైలిలో ఫన్నీ కామెంట్లు చేశారు. ``ఉర్ఫీ జావేద్‌కు పోటీ మొదైలైంది``, ``పిచ్చికి కూడా హద్దుంటుంది``, ``ఆకులు చిరిగిపోతాయి.. జాగ్రత్త``, ``ఈ డ్రెస్ చూసి ఉర్ఫీ జావేద్ కూడా భయపడుతుందేమో``, ``మన జాతీయ పక్షి`` అంటూ నెటిజన్లు కామెంట్లు చేశారు.