Viral Video: వావ్.. ఎంట్రీ అదిరిపోయింది.. పెళ్లి రోజు నూతన వధూవరుల ఎనర్జీ చూస్తే ఫిదా కావాల్సిందే..

ABN, Publish Date - Oct 27 , 2024 | 09:33 AM

ప్రస్తుతం పెళ్లి అంటే డ్యాన్సులు, పాటలు, సరదాలు, హంగామా తప్పక ఉండాల్సిందే. భారీ ఊరేగింపులు, కమ్మని విందులతో పాటు వధూవరుల బంధువులు, స్నేహితులు కచ్చితంగా చిందులేయాల్సిందే. ఇక, వధూవరులు కూడా కాలు కదిపితే ఆ సంబరమే వేరుగా ఉంటుంది.

Bride and groom did an amazing energetic dance

ప్రస్తుతం పెళ్లి (Wedding) అంటే డ్యాన్సులు, పాటలు, సరదాలు, హంగామా తప్పక ఉండాల్సిందే. భారీ ఊరేగింపులు, కమ్మని విందులతో పాటు వధూవరుల బంధువులు, స్నేహితులు కచ్చితంగా చిందులేయాల్సిందే. ఇక, వధూవరులు కూడా కాలు కదిపితే ఆ సంబరమే వేరుగా ఉంటుంది. ప్రస్తుతం జరుగుతున్న చాలా పెళ్లిళ్లలో సంగీత్ (Sangeet) పేరుతో డ్యాన్స్ కార్యక్రమాలు ఏర్పాటు చేస్తున్నారు. ప్రస్తుతం వైరల్ అవుతున్న వీడియోలో వధూవరులు (Bride and Groom) కల్యాణమండపంలోకి ఎంట్రీ ఇచ్చిన తీరు చాలా ఎనర్జిటిక్‌గా ఉంది. ఆ వీడియో సోషల్ మీడియాలో వైరల్‌గా మారింది (Viral Video).

love.still.films అనే ఇన్‌స్టాగ్రామ్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియో ప్రకారం.. కల్యాణమండపంలో ఉన్న వారు వధూవరుల కోసం ఎదురు చూస్తున్నారు. ఆ సమయంలో తలుపు తీసుకుని గ్రాండ్‌గా వధూవరులు ఎంట్రీ ఇచ్చారు. వస్తూనే అద్భుతమైన డ్యాన్స్‌తో అలరించారు. ఆ వధూవరులతో పాటు బంధువులు, స్నేహితులు కూడా ఉత్సాహంగా కేరింతలు కొట్టారు. పూర్తిగా పార్టీ మూడ్‌లో చాలా ఉత్సాహంగా గడిపారు. బాలీవుడ్ సాంగ్ ``రంగిలో మారో ధోల్నా`` పాటకు వధూవరులిద్దరూ మెరుపు వేగంతో డ్యాన్స్‌లేశారు.

ఆ వీడియో సోషల్ మీడియాలో వైరల్‌గా మారింది. ఈ వీడియోను ఇప్పటివరకు కోట్ల మందికి పైగా వీక్షించారు. దాదాపు 8 లక్షల మంది ఈ వీడియోను లైక్ చేశారు. ఈ వీడియోపై నెటిజన్లు తమదైన శైలిలో కామెంట్లు చేశారు. ``ఇంతకు ముందు ఇలాంటి వెడ్డింగ్ ఎంట్రీని చూడలేదు``, ``బంధుమిత్రులు కూడా గొప్ప ఎనర్జీతో ఉన్నారు``, ``వధూవరులిద్దరూ మంచి ఎనర్జీతో ఉన్నారు``, ``అందరూ చాలా ఉత్సాహంగా ఉన్నారు`` అంటూ నెటిజన్లు కామెంట్లు చేశారు.