Viral Video: ఆఖరికి రిక్షాను కూడా వదల్లేదు.. రిక్షాలో వెళుతూ వధువు డ్యాన్స్.. రిక్షా పుల్లర్ పరిస్థితి ఏంటంటే..

ప్రస్తుతం పెళ్లి వేడుక (Marriage) అనగానే ప్రీ వెడ్డింగ్ ఫోటోషూట్ (Pre-wedding photoshoot) అనేది తప్పనిసరిగా మారిపోయింది. పెళ్లికి ముందు వధువు (Birde), వరుడు (Groom) కలిసి రకరకాల థీమ్‌లతో ఫొటోలు, వీడియోలు తీసుకుంటున్నారు. అందుకోసం అందమైన లోకేషన్లకు వెళుతుంటారు. సముద్ర తీరంలో, మంచు ప్రాంతాల్లో, ప్రకృతి ఒడిలో ఫొటోషూట్‌లు చేసుకుంటారు. అయితే ఓ వధువు మాత్రం కాస్త భిన్నంగా ఆలోచించింది. బిజీ రోడ్డుపై రిక్షా (Rickshaw)లో వెళుతూ ఫొటోషూట్‌లో పాల్గొంది. ఆ వీడియో చూసిన నెటిజన్లు నవ్వుకుంటున్నారు. వీడియోపై ఫన్నీ కామెంట్లు చేస్తున్నారు (Viral Video).

aashi_nanda అనే ఇన్‌స్టాగ్రామ్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియోలో ఓ వధువు లెహంగా, నగలు ధరించి రిక్షా మీద కూర్చుని ఉంది. ఆమె మొదట రిక్షాలో కూర్చొని డ్యాన్స్ చేయడం ప్రారంభించి, ఆపై నిలబడి నృత్యం చేసింది. రిక్షా మెల్లిగా వెళుతుండగా వీడియోగ్రాఫర్లు, ఫొటోగ్రాఫర్లు తమ పని తాము చేసుకుంటున్నారు. ఈ వీడియో బ్యాక్ గ్రౌండ్ లో ``బడో బడి`` అనే హిందీ పాట ప్లే అవుతుండడంతో ఈ వీడియో చాలా ఫన్నీగా తయారైంది. ఈ వీడియో చూసిన నెటిజన్లు నవ్వుకుంటున్నారు.

ఈ వీడియో సోషల్ మీడియాలో వైరల్‌గా మారింది. 7 లక్షల కంటే ఎక్కువ మంది ఈ వీడియోను వీక్షించారు. ``ఆ రిక్షా పుల్లర్‌కు కూడా మంచి బట్టలు కొని ఇవ్వవచ్చు కదా``, ``ఆ రిక్షా పుల్లర్‌కు ఏమీ అర్థం కావడం లేదు``, ``పెళ్లి తర్వాత ఎక్కాల్సింది ఇదే``, ``ఇలాంటి ఆలోచన ఎవరికి వచ్చిందో``, ``లో బడ్జెట్ ప్రీ వెడ్డింగ్ ఫోటోషూట్`` అంటూ నెటిజన్లు కామెంట్లు చేశారు.

ఇవి కూడా చదవండి..

Viral: వామ్మో.. తనను కరిచిన పామును తిరిగి కరిచాడు.. తర్వాతేం జరిగిందో తెలిస్తే షాకవ్వాల్సిందే..!

Puzzle: మీరు లాజికల్‌గా ఆలోచించగలరా? అయితే ఈ ఫొటోలో ఉన్న తప్పును 10 సెకెన్లలో కనిపెట్టండి!

మరిన్ని ప్రత్యేక వార్తలు కోసం క్లిక్ చేయండి..