Viral Video: వావ్.. ఈ వధువు ధైర్యానికి హ్యాట్సాఫ్ చెప్పాల్సిందే.. స్పోర్ట్స్ బైక్ మీద ఎలా వెళ్తోందో చూడండి..

ABN, Publish Date - Oct 07 , 2024 | 09:20 PM

సోషల్ మీడియాలో పోస్ట్ అయిన చాలా వీడియోల్లో వధువు తనకు ఇష్టమైన పాటకు డ్యాన్స్ చేస్తూ వివాహ వేదిక వద్దకు వస్తుంటుంది. అయితే ప్రస్తుతం వైరల్ అవుతున్న వీడియోలో ఓ వధువు అసాధారణ పద్ధతిలో ఎంట్రీ ఇచ్చింది. స్పోర్ట్స్ బైక్‌ను స్టైలిష్‌గా డ్రైవ్ చేస్తూ కల్యాణ మండపానికి చేరుకుంది.

Bride was seen riding a sports bike

పూర్వకాలంలో వధువులు (Bride) పల్లకిలో సిగ్గులు ఒలికిస్తూ కళ్యాణమండపానికి చేరుకునేవారు. అయితే మారుతున్న పరిస్థితులకు అనుగుణంగా వివాహ సాంప్రదాయాలు కూడా మారుతున్నాయి. ప్రస్తుత డిజిటల్ యుగంలో వధువుల ఎంట్రీ కూడా సినిమాటిక్ స్టైల్లో ఉంటోంది. అలాంటి ఎన్నో వీడియోలు సోషల్ మీడియాలో వైరల్ అయ్యాయి. చాలా వీడియోల్లో వధువు తనకు ఇష్టమైన పాటకు డ్యాన్స్ చేస్తూ వివాహ వేదిక వద్దకు వస్తుంటుంది. అయితే ప్రస్తుతం వైరల్ అవుతున్న వీడియోలో ఓ వధువు అసాధారణ పద్ధతిలో ఎంట్రీ (Bride Entry) ఇచ్చింది. స్పోర్ట్స్ బైక్‌ను (Sport Bike) స్టైలిష్‌గా డ్రైవ్ చేస్తూ కల్యాణ మండపానికి చేరుకుంది. ఆ వీడియో సోషల్ మీడియాలో వైరల్‌గా మారింది (Viral Video).

itz__tuba44 అనే ఇన్‌స్టాగ్రామ్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియోలో వధువు గెటప్‌లో ఉన్న అమ్మాయి అతి వేగంగా స్పోర్ట్స్ బైక్‌ను నడుపుతోంది. ఎలాంటి భయమూ, బెరుకు లేకుండా బిజీ రోడ్డు మీద బైక్ డ్రైవ్ చేస్తోంది. అదే రోడ్డు మీద ప్రయాణిస్తున్న ఇతర వాహనదారులు ఆమెను చూసి ఆశ్చర్యపోయారు. ఆమెకు థంబ్స్-అప్ గుర్తులు చూపిస్తూ ప్రోత్సహించారు. ముందు వేరే బైక్ మీద వెళ్తున్న ఆమె స్నేహితులు వీడియో తీశారు. ఆ వీడియోను సోషల్ మీడియాలో పోస్ట్ చేయడంతో అది విపరీతంగా వైరల్ అవుతోంది.

వైరల్ అవుతున్న ఆ వీడియోను ఇప్పటివరకు కోటి మందికి పైగా వీక్షించారు. 4.8 లక్షల కంటే ఎక్కువ మంది ఈ వీడియోను లైక్ చేశారు. ఈ వీడియోపై నెటిజన్లు తమదైన శైలిలో కామెంట్లు చేశారు. ``ఆ వీడియోలోని వధువు తనలోని అమ్మాయిని కాల్చేసింది``, ``ఆమెను చేరుకోవడం వరుడికి సాధ్యమేనా``, ``అద్భుతంగా డ్రైవ్ చేస్తున్నారు``, ``పెళ్లి ఊరేగింపు వెనుక వస్తున్నట్టు ఉంది``, ``ఆమె చాలా ఆత్మవిశ్వాసంతో డ్రైవ్ చేస్తోంది`` అంటూ నెటిజన్లు కామెంట్లు చేశారు.