Viral Video: ప్రతి కుక్కకూ ఓ రోజు వస్తుందంటే ఇదేనేమో.. గేదె మీద శునక రాజసం చూడండి..!
ABN, Publish Date - Jun 03 , 2024 | 03:37 PM
సోషల్ మీడియా అందుబాటులోకి వచ్చాక ప్రతిరోజూ కొన్ని వందల వీడియోలు మన కళ్ల ముందుకు వస్తున్నాయి. వాటిల్లో కొన్ని ఆసక్తికరంగా, ఫన్నీగా ఉంటూ అందరినీ ఆకట్టుకుని వైరల్ అవుతున్నాయి. ప్రస్తుతం అలాంటిదే ఓ వీడియో నెట్టింట హల్‌చల్ చేస్తూ నెటిజన్లను ఆకట్టుకుంటోంది.
సోషల్ మీడియా అందుబాటులోకి వచ్చాక ప్రతిరోజూ కొన్ని వందల వీడియోలు మన కళ్ల ముందుకు వస్తున్నాయి. వాటిల్లో కొన్ని ఆసక్తికరంగా, ఫన్నీగా ఉంటూ అందరినీ ఆకట్టుకుని వైరల్ అవుతున్నాయి (Viral Videos). ప్రస్తుతం అలాంటిదే ఓ వీడియో నెట్టింట హల్‌చల్ చేస్తూ నెటిజన్లను ఆకట్టుకుంటోంది. ఆ వీడియోపై నెటిజన్లు ఫన్నీ కామెంట్లు చేస్తున్నారు. @AMAZlNGNATURE అనే ట్విటర్ హ్యాండిల్‌లో ఈ వీడియో షేర్ అయింది.
వైరల్ అవుతున్న ఆ వీడియోలో ఖాళీగా ఉన్న రోడ్డుపై రెండు గేదెలు (Buffalo) నడుచుకుంటూ వెళ్తున్నాయి. అయితే వాటిల్లో ఓ గేదె మీద కుక్క (Dog) నిలబడి ఉంది. గేదెలు వేగంగా నడుస్తున్నా కుక్క ఎలాంటి తడబాటూ లేకుండా దర్జాగా నిల్చుని ఉంది (Dog riding buffalo). ఆ ఘటనను ఓ వ్యక్తి వీడియో తీసి ఉంటాడు. నిజానికి కుక్కలను గేదెలు దగ్గరకు రానివ్వవు. అయితే ఆ కుక్కలు, గేదెలు ఒకే వ్యక్తికి చెంది ఉంటాయి. అందుకే కుక్కతో గేదెలు స్నేహపూర్వకంగా మెలుగుతున్నాయి. ఈ వీడియో చూసి చాలా మంది ఆశ్చర్యపోతున్నారు.
సోషల్ మీడియాలో హల్‌చల్ చేస్తున్న ఈ వీడియోను ఇప్పటివరకు 56 లక్షల మందికి పైగా వీక్షించారు. 1.05 లక్షల కంటే ఎక్కువ మంది ఈ వీడియోను లైక్ చేశారు. ఈ వీడియోపై నెటిజన్లు తమదైన శైలిలో ఫన్నీ కామెంట్లు చేస్తున్నారు. ``ప్రతికుక్కకూ ఓ రోజు వస్తుంది. ఈ రోజు ఆ కుక్కది``, ``ఆ కుక్క ఓ యాక్షన్ హీరో స్టైల్‌లో నిలబడింది``, ``ఫూల్ ఔర్ కాంటే‌లో అజయ్ దేవ్‌గణ్ ఎంట్రీ సీన్ ఇలాగే ఉంటుంది`` అంటూ నెటిజన్లు కామెంట్లు చేశారు.
ఇవి కూడా చదవండి..
Viral: గాల్లో ఉండగా విమానం తలుపు తెరిచేందుకు ప్రయత్నించిన వ్యక్తి.. సిబ్బంది వారిస్తున్నా వినకుండా..
మరిన్ని ప్రత్యేక వార్తలు కోసం క్లిక్ చేయండి..
Updated Date - Jun 03 , 2024 | 08:35 PM
