Viral Video: ఆ మహిళా ‌పోలీస్‌కు ఏమైంది? నడిరోడ్డుపై మహిళను కౌగిలించుకుని, ముద్దు పెట్టి హల్‌చల్..

ABN, Publish Date - Oct 27 , 2024 | 08:43 AM

పశ్చిమబెంగాల్‌లో ఓ మహిళా పోలీస్ తోటి మహిళలతో అసభ్యంగా ప్రవర్తించింది. బెంగాల్‌లో మహిళల రక్షణ కోసం పింక్ పోలీస్ వ్యాన్‌లను ఏర్పాటు చేశారు. అయితే అలాంటి ఓ పింక్ వ్యాన్‌లోనే వచ్చిన మహిళా పోలీసు నడిరోడ్డుపై అందరూ చూస్తుండగానే ఓ మహిళతో అసభ్యంగా ప్రవర్తించింది.

Drunken lady police unusual act with woman

పోలీసులు (Police) అంటే ప్రజలకు రక్షణ కల్పించాల్సిన వారు. అయితే చాలా మంది తమ అధికారాన్ని దుర్వినియోగం చేస్తుంటారు. అమాయక ప్రజలు, నిరక్షరాస్యులపై తమ ప్రతాపాన్ని చూపిస్తుంటారు. తాజాగా పశ్చిమబెంగాల్‌లో (West Bengal) ఓ మహిళా పోలీస్ (Lady Cop) తోటి మహిళలతో అసభ్యంగా ప్రవర్తించింది. బెంగాల్‌లో మహిళల రక్షణ కోసం పింక్ పోలీస్ వ్యాన్‌లను ఏర్పాటు చేశారు. అలాంటి ఓ పింక్ వ్యాన్‌లోనే వచ్చిన మహిళా పోలీసు నడిరోడ్డుపై అందరూ చూస్తుండగానే ఓ మహిళతో అసభ్యంగా ప్రవర్తించింది. ఆ ఘటనకు సంబంధించిన వీడియో సోషల్ మీడియాలో వైరల్‌గా మారింది. (Viral Video)

పశ్చిమబెంగాల్‌లోని సిలిగిరి మెట్రోపాలిటన్ ప్రాంతంలో ఈ ఘటన జరిగింది. KrishanuOnline అనే ట్విటర్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియో ప్రకారం ఓ మహిళ ఏఎస్సై పోలీస్ వ్యాన్ దగ్గర నిల్చుని ఉంది. ఆ సమయంలో ఆమె కొందరు మహిళలతో వాగ్వాదం చేస్తోంది. హఠాత్తుగా ఆమె ఓ మహిళ దగ్గరకు వెళ్లి ఆమెను కౌగిలించుకుని పెదాలపై ముద్దు పెట్టుకుంది. దీంతో సదరు మహిళ షాకై వెనక్కి జరిగిపోయి ఆ ఏఎస్సైకు తన నిరసన తెలిపింది. ఆ సమయంలో ఆ మహిళా ఏఎస్సై మద్యం సేవించి ఉన్నట్టు సమాచారం. అక్కడ ఉన్న వారు ఆ ఘటనను వీడియో తీశారు. ఆ వీడియోను సోషల్ మీడియాలో పోస్ట్ చేశారు.

ఆ వీడియో సోషల్ మీడియాలో వైరల్‌గా మారింది. ఆ వీడియోను వేల మంది వీక్షించి తమ ఆగ్రహాన్ని వ్యక్తం చేశారు. ఈ వీడియో పోలీస్ ఉన్నతాధికారుల దృష్టికి వెళ్లింది. దీంతో వారు ఆ ఘటనపై విచారణకు ఆదేశించారు. ఘటన జరిగిన సమయంలోనే అక్కడ ఉన్న వారు ఆ ఏఎస్సైపై ఆగ్రహం వ్యక్తం చేశారు. ఆమె వ్యాన్ ఎక్కకుండా అడ్డుకున్నారు. ప్రధాన్ నగర్ పోలీస్ స్టేషన్‌లో పని చేస్తున్నా తాన్యా రాయ్ అనే ఆ ఏఎస్సైను విధుల నుంచి సస్పెండ్ చేశారు. ఆమె తాగి విధులకు హాజరవుతున్నట్టు గతంలో కూడా పలు ఆరోపణలు వచ్చాయి.