Viral Video: వర్షంలోనూ ఎంత కష్టం.. రోడ్డు మీద కూర్చుని కూరలు అమ్ముతున్న వృద్ధురాలు.. వీడియో వైరల్..

ABN, Publish Date - Nov 09 , 2024 | 12:41 PM

కొందరు వృద్ధాప్యానికి చేరువైన తర్వాత కూడా ఎన్నో కష్టాలు పడి పని చేస్తుంటారు. ప్రస్తుతం వైరల్ అవుతున్న వీడియోలో ఓ వృద్ధురాలు వర్షంలో రోడ్డు మీద కూర్చుని కూరలు అమ్ముకుంటోంది. ఆమెను ఓ వ్యక్తి వీడియో తీసి సోషల్ మీడియాలో పోస్ట్ చేశాడు.

Elderly woman was seen selling vegetables even in the rain

చాలా మంది వయసులో ఉండగా ఏ పనీ చేయకుండా కూర్చుని తినాలని ప్రయత్నిస్తుంటారు. అయితే కొందరు మాత్రం వయసు మీరినా పని చేస్తూ తమ కాళ్ల మీద తాము నిలబడాలనుకుంటారు. వృద్ధాప్యానికి (Oldage) చేరువైన తర్వాత కూడా ఎన్నో కష్టాలు పడి పని చేస్తుంటారు. ప్రస్తుతం వైరల్ అవుతున్న వీడియోలో ఓ వృద్ధురాలు (Elderly woman) వర్షంలో రోడ్డు మీద కూర్చుని కూరలు అమ్ముకుంటోంది. ఆమెను ఓ వ్యక్తి వీడియో తీసి సోషల్ మీడియాలో పోస్ట్ చేశాడు. ఆ వీడియో సోషల్ మీడియాలో వైరల్‌గా మారింది. _pratimapramanick అనే ఇన్‌స్టాగ్రామ్ హ్యాండిల్‌లో ఆ వీడియో షేర్ అయింది (Viral Video).

వైరల్ అవుతున్న ఆ వీడియోలో ఓ వృద్దురాలు రాత్రి వేళ రోడ్డు పక్కన కూర్చుని కూరలు అమ్ముకుంటోంది. ఆ సమయంలో వర్షం పడుతోంది. వర్షంలో తడుస్తూనే ఆమె కూరలు (vegetables) అమ్ముతోంది. వర్షంలో (Rain) కూడా తన పని చేసుకుంటున్న ఆమెను ఓ వ్యక్తి వీడియో తీసి సోషల్ మీడియాలో పోస్ట్ చేశాడు. ఆ వీడియో సోషల్ మీడియాలో వైరల్‌గా మారింది. ఆ వైరల్ వీడియోను ఇప్పటివరకు కోట్ల మంది వీక్షించారు. 34 లక్షల కంటే ఎక్కువ మంది ఈ వీడియోను లైక్ చేశారు. ఈ వీడియోపై నెటిజన్లు తమ స్పందనలను తెలియజేశారు.

``ఆమె గొప్ప యోధురాలు``, ``నిజమైన పనిమంతులు ఎలాంటి సాకులూ వెతకరు``, ``అమ్మా, నేను మీకు హృదయపూర్వకంగా నమస్కరిస్తున్నాను``, ``పని చేస్తేనే తప్ప ఆహారం దొరకని పరిస్థితి``, ``ఆ వయసులో కూడా ఆమె కష్టానికి నమస్కరించాలి`` అంటూ నెటిజన్లు కామెంట్లు చేస్తున్నారు.