Viral Video: వరుడికి బహుమతిగా కామసూత్ర సోఫా.. పాపం.. వధువు ఎంతలా సిగ్గు పడిందో..
ABN, Publish Date - Feb 11 , 2024 | 07:07 PM
తాజాగా జరిగిన ఓ వివాహంలో వరుడి కోసం అతడి ఫ్రెండ్స్ ఓ భారీ గిఫ్ట్ తెచ్చారు. వేదికపై ఆ బహుమతి చూసి వధువు సిగ్గుతో తల వంచుకుంది.
పెళ్లిలో (Marriage) వధూవరుల స్నేహితులు, బంధువులు చేసే అల్లరికి హద్దు ఉండదు. పెళ్లి చేసుకుంటున్న వారికి వెరైటీ గిఫ్ట్‌లు (Wedding Gifts) ఇవ్వాలని వారి స్నేహితులు రకరకాల ప్లాన్లు వేస్తుంటారు. ముఖ్యంగా ఈ సోషల్ మీడియా కాలంలో ఎంత వెరైటీగా ఆలోచిస్తే అంత మంచిదని అనుకుంటున్నారు. అయితే ఆ వెరైటీ శృతి మించితే మాత్రం అభాసుపాలు కాక తప్పదు. తాజాగా అలాంటిదే ఓ వీడియో సోషల్ మీడియాలో వైరల్ (Viral Video)అవుతోంది. ఆ వీడియోలోని వరుడి స్నేహితులపై నెటిజన్లు విమర్శలు కురిపిస్తున్నారు.
వైరల్ అవుతున్న ఆ వీడియోలో వరుడి (Groom) కోసం అతడి ఫ్రెండ్స్ ఓ భారీ గిఫ్ట్ తెచ్చారు. దానిపై ఓ తెల్లని వస్త్రం కప్పేసి వేదిక పైకి తీసుకెళ్లారు. అదేంటో తెలియక చాలా మంది ఆశ్చర్యంగా చూశారు. అయితే ఆ గిఫ్ట్‌పై ఉన్న వస్త్రం తొలగించగానే అందరూ షాకయ్యారు. ఎందుకంటే వరుడి స్నేహితులు ఇచ్చిన ఆ బహుమతి ఓ``కామసూత్ర సోఫా`` (Kama Sutra sofa). ఆ సోఫాను రొమాంటిక్ కార్యకాలపాల కోసమే వినియోగిస్తారు. ఆ గిఫ్ట్‌ను చూసిన తర్వాత వధువు (Bride) సిగ్గుతో సైలెంట్ అయిపోయింది. అయితే వరుడి ఫ్రెండ్స్ ఏమీ లెక్కచేయండా ఆ సోఫా పక్కన నిలబడి వధూవరులతో కలిసి ఫొటోకు పోజిచ్చారు.
ఆ వీడియోను సోషల్ మీడియాలో పోస్ట్ చేయగా అది వైరల్‌గా మారింది. ఆ వైరల్ వీడియోను ఇప్పటివరకు 14 లక్షల మందికి పైగా వీక్షించారు. 5 వేల మందికి పైగా లైక్ చేశారు. ఆ వీడియోపై నెటిజన్లు తమదైన శైలిలో కామెంట్లు చేశారు. ``స్నేహితుడి భార్యను అందరి ముందు ఇలా ఇబ్బంది పెట్టడం భావ్యమా``, ``ఇది చాలా వెకిలిగా ఉంది``, ``సరదాకు కూడా హద్దులు ఉండాలి`` అంటూ నెటిజన్లు కామెంట్లు చేశారు.
Updated Date - Feb 11 , 2024 | 07:07 PM
