Viral News: కోడలు కాదు రాక్షసి.. కర్రతో కొట్టొద్దని మామ ప్రాధేయపడినా.. ఆ చిన్న కారణానికే..
ABN, Publish Date - Mar 12 , 2024 | 05:59 PM
టీవీ సీరియల్స్‌లో (TV Serials) చూపించినట్టు.. నిజ జీవితంలో కూడా కొందరు కోడళ్లు రాక్షసులుగా ప్రవర్తిస్తుంటారు. ఎంతో ప్రేమగా చూసుకునే తమ అత్తమామలను చిత్రహింసలకు గురి చేస్తుంటారు. అంతేకాదు.. వయసులో పెద్దవాళ్లన్న సంస్కారం మర్చిపోయి, వారిపై చెయ్యి కూడా చేసుకుంటారు. కర్ణాటకలో (Karnataka) చోటు చేసుకున్న తాజా ఉదంతమే ఇందుకు ప్రత్యక్ష సాక్ష్యం.
టీవీ సీరియల్స్‌లో (TV Serials) చూపించినట్టు.. నిజ జీవితంలో కూడా కొందరు కోడళ్లు రాక్షసులుగా ప్రవర్తిస్తుంటారు. ఎంతో ప్రేమగా చూసుకునే తమ అత్తమామలను చిత్రహింసలకు గురి చేస్తుంటారు. అంతేకాదు.. వయసులో పెద్దవాళ్లన్న సంస్కారం మర్చిపోయి, వారిపై చెయ్యి కూడా చేసుకుంటారు. కర్ణాటకలో (Karnataka) చోటు చేసుకున్న తాజా ఉదంతమే ఇందుకు ప్రత్యక్ష సాక్ష్యం. 87 ఏళ్ల మామపై ఓ కోడలు తన కర్కశత్వం ప్రదర్శించింది. వాకింగ్ స్టిక్‌తో ఆయన్ను దారుణంగా కొట్టింది. తనని కొట్టొద్దని ఆయన ప్రాధేయపడినా విడిచిపెట్టకుండా అమానుషంగా ప్రవర్తించింది. ఇందుకు సంబంధించిన దృశ్యాలు సీసీటీవీ కెమెరాలో రికార్డ్ అవ్వడంతో.. ఆ రాక్షసి కోడలి బాగోతం బట్టబయలైంది. పూర్తి వివరాల్లోకి వెళ్తే..
ఆ మహిళ పేరు ఉమాశంకరి. కర్ణాటక ఎలక్ట్రిసిటీ బోర్డు (కేఈబీ)లో ఆమె ఓ అధికారిగా బాధ్యతలు నిర్వర్తిస్తోంది. ఆమె భర్త ప్రీతమ్ సువర్ణ విదేశాల్లో పని చేస్తాడు. కట్ చేస్తే.. మార్చి 9వ తేదీన ఉమాశంకరి మామ పద్మనాభ సువర్ణ (87) సోఫాపై తన చొక్కా వేశారు. ఇది గమనించిన ఉమా.. ఆ చొక్కా సోఫాపై ఎందుకు వేశావంటూ మామతో వాగ్వాదానికి దిగింది. ఈ క్రమంలోనే ఆమె వాకింగ్ స్టిక్ తీసుకొని.. మామపై కనికరం లేకుండా దాడి చేసింది. ఆయన ప్రతిఘటించేందుకు ప్రయత్నిస్తే.. కిందకు తోసేసింది. ఆపై డోర్ క్లోజ్ చేసి, అనరాని మాటలు అనింది. తనని విడిచిపెట్టమని పద్మానాభ ఎంత ప్రాధేయపడినా.. ఆమె వినిపించుకోకుండా మరింత వైల్డ్‌గా ప్రవర్తించింది. ఈ హృదయ విదారక ఘటన సీసీటీవీ కెమెరాలో రికార్డ్ అయ్యింది. తీవ్ర గాయాలపాలైన పద్మనాభను ప్రైవేట్ ఆసుపత్రిలో చేర్పించి చికిత్స అందించారు.
మరోవైపు.. తన తండ్రిపై భార్య ఉమాశంకరి ఈ దాడి చేయడం చూసి ప్రీతమ్ షాక్‌కు గురయ్యాడు. వెంటనే తన సోదరికి ఫోన్ చేసి.. ఉమాశంకరికి ఫిర్యాదు చేయాలని కోరాడు. ఆమె ఇచ్చిన ఫిర్యాదు మేరకు మంగళూరు పోలీసులు రంగంలోకి దిగి.. ఉమాశంకరిని అరెస్టు చేశారు. ఆమెకు 14 రోజుల జ్యుడీషియల్ కస్టడీ విధించారు. కాగా.. ఈ వీడియో సోషల్ మీడియాలో వైరల్ అవ్వడంతో నెటిజన్లు ఆందోళన వ్యక్తం చేస్తున్నారు. ఈ మధ్య కాలంలో ఇటువంటి ఘటనలు పెచ్చుమీరిపోయాయని, ఈరోజుల్లో సీసీటీవీ ఉండటం తప్పనిసరి అయ్యిందని అంటున్నారు. సీసీటీవీ కెమెరా వల్లే ఈ దారుణం వెలుగు చూసిందని అభిప్రాయపడుతున్నారు. ఆ మహిళకు తగిన శిక్ష పడాలని కోరారు.
మరిన్ని ప్రత్యేక వార్తల కోసం ఇక్కడ క్లిక్ చేయండి
Updated Date - Mar 12 , 2024 | 05:59 PM
