Viral Video: పాకిస్తాన్‌లో నవరాత్రి ఉత్సవాలు.. కరాచీలో మినీ ఇండియా గురించి తెలిస్తే షాకవ్వాల్సిందే..

ABN, Publish Date - Oct 08 , 2024 | 09:24 PM

ఈ నవరాత్రుల సందర్భంగా భారతదేశంలోనే కాకుండా పొరుగు దేశం పాకిస్థాన్‌లో కూడా వేడుకలు జరుగుతున్నాయని తెలిస్తే మీరు ఆశ్చర్యపోతారు. కరాచీలో జరుగుతున్న నవరాత్రి వేడుకల వీడియో సోషల్ మీడియాలో వైరల్ అవుతోంది. ఆ వీడియో చూసిన నెటిజన్లు ఆశ్చర్యపోతున్నారు.

Navratri celebrations Pakistan

ప్రస్తుతం దేశవ్యాప్తంగా శరన్నవరాత్రి (Navratri) ఉత్సవాలు ఘనంగా జరుగుతున్నాయి. భక్తులు దుర్గా మాత (Durga Maa)తొమ్మిది రూపాలను ఆరాధిస్తున్నారు. అక్టోబర్ 3న ప్రారంభమైన నవరాత్రులను దేశవ్యాప్తంగా వైభవంగా జరుపుకుంటున్నారు. ఈ నవరాత్రుల సందర్భంగా భారతదేశంలోనే కాకుండా పొరుగు దేశం పాకిస్థాన్‌ (Pakistan)లో కూడా వేడుకలు జరుగుతున్నాయని తెలిస్తే మీరు ఆశ్చర్యపోతారు. కరాచీ (Karachi)లో జరుగుతున్న నవరాత్రి వేడుకల వీడియో సోషల్ మీడియాలో వైరల్ అవుతోంది. ఆ వీడియో చూసిన నెటిజన్లు ఆశ్చర్యపోతున్నారు (Viral Video).

iamdheerajmandhan అనే ఇన్‌స్టాగ్రామ్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియోలో భక్తులు దుర్గా మాత విగ్రహాన్ని ఏర్పాటు చేసుకుని ఘనంగా పూజలు చేస్తున్నారు. దుర్గా మాత పందిరిని లైట్లతో అలంకరించారు. ఆ పందిరి వద్దకు భక్తులు పెద్ద సంఖ్యలో తరలివస్తున్నారు. ఈ వీడియోను పాకిస్తాన్ యూట్యూబ్ ఇన్‌ఫ్లుయెన్సర్ షేర్ చేశాడు. ``పాకిస్తాన్‌లోని కరాచీలో నవరాత్రి నాలుగో రోజు. కరాచీలోని ఆ ప్రాంతంలో దేవాలయం, గురుద్వార, మసీదు, చర్చి దగ్గర దగ్గరగానే కనిపిస్తాయి. ఆ ప్రాంతాన్ని మినీ ఇండియా (Mini India) అని పిలుస్తారు. కానీ, నేను దానిని పాకిస్తాన్ అనే పిలుస్తాను`` అంటూ ఆయన కామెంట్ చేశాడు.

ఆ వీడియో సోషల్ మీడియాలో వైరల్‌గా మారింది. ఆ వైరల్ వీడియోకు తక్కువ సమయంలో 1.27 లక్షలకు పైగా వ్యూస్ వచ్చాయి. 12.6 వేల మంది ఆ వీడియోను లైక్ చేశారు. ఆ వీడియోపై నెటిజన్లు తమ స్పందనలను తెలియజేశారు. ``ఇది పాకిస్తాన్, నేను మరింత భిన్నత్వం, శాంతి మరియు ఐక్యతను చూడాలనుకుంటున్నాను``, ``నవరాత్రి యొక్క నిజమైన ఆత్మ కరాచీలో కనిపిస్తుంది``, ``నవరాత్రిని పాకిస్తాన్‌లో కూడా జరుపుకుంటారని, అది కూడా ఇలా జరుగుతుందని ఎప్పుడూ అనుకోలేదు`` అంటూ నెటిజన్లు కామెంట్లు చేశారు.