Panipuri Viral Video: పానీపూరీ పిండిలో హార్‌పిక్, యూరియా.. ఆ వీడియో బయటకు ఎలా వచ్చిందో తెలిస్తే..

ABN, Publish Date - Oct 19 , 2024 | 12:16 PM

పానీపూరీ తయారీ మీద ఎన్ని విమర్శలు వచ్చినా, ఎంత అపరిశుభ్రంగా ఉన్నా వాటిని చాలా మంది తినకుండా ఉండలేరు. పానీపూరీ తయారీ గురించిన షాకింగ్ వీడియోలు ఇప్పటికే ఎన్నో సోషల్ మీడియా ద్వారా బయటకు వచ్చాయి. అయితే తాజాగా బయటకు వచ్చిన వీడియో మాత్రం వీటన్నింటి కంటే ఎన్నో రెట్లు షాకింగ్‌గా ఉంది.

Panipuri Making Viral Video

మనదేశంలో చాలా మంది పానీపూరీలను (Panipuri) ఇష్టపడతారు. రోడ్డు పక్కన స్టాల్స్‌ చుట్టూ పానీపూరీల కోసం నిలబడుతుంటారు. పానీపూరీ తయారీ మీద ఎన్ని విమర్శలు వచ్చినా, ఎంత అపరిశుభ్రంగా ఉన్నా వాటిని చాలా మంది తినకుండా ఉండలేరు. పానీపూరీ తయారీ (Panipuri Making) గురించిన షాకింగ్ వీడియోలు ఇప్పటికే ఎన్నో సోషల్ మీడియా ద్వారా బయటకు వచ్చాయి. అయితే తాజాగా బయటకు వచ్చిన వీడియో మాత్రం వీటన్నింటి కంటే ఎన్నో రెట్లు షాకింగ్‌గా ఉంది. ఆ వీడియో చూసిన నెటిజన్లు షాక్‌తో ఆందోళనకు గురవుతున్నారు. ఆ వీడియో నెట్టింట విపరీతంగా హల్‌చల్ చేస్తోంది (Viral Video).

జార్ఖండ్‌లోని (Jharkhand) గర్వా జిల్లాలో ఈ ఘటన జరిగింది. వైరల్ అవుతున్న ఆ వీడియోలో ఇద్దరు వ్యక్తులు తమ కాళ్లతో పానీపూరీ పిండిని తొక్కుతున్నారు. పానీపూరీలు చేసే ముందు పిండిని అలా తొక్కుతున్నారు. ఆ వీడియోను అదే కుటుంబానికి చెందిన ఓ వ్యక్తి వీడియో తీసి సోషల్ మీడియాలో పోస్ట్ చేశాడు. పానీపూరీలను అమ్మే అరవింద్ యాదవ్‌కు అతని మేనల్లుడు యాదవ్‌తో గొడవ జరిగింది. ఆ గొడవ తర్వాత యాదవ్ ఆ వీడియో తీసి సోషల్ మీడియాలో పోస్ట్ చేశాడు. ఆ వీడియో విపరీతంగా వైరల్ కావడంతో స్థానిక అధికారులు వెంటనే స్పందించి అరవింద్ యాదవ్, అతని సహాయకుడు సతీష్‌ను అరెస్ట్ చేయించారు.

పోలీసుల విచారణలో మరిన్ని షాకింగ్ విషయాలు బయటపడ్డాయి. పానీపూరీల రుచిని పెంచడం కోసం పిండిలో హార్‌పిక్ (Harpic), యూరియాను (urea) కలిపినట్టు అరవింద్ పోలీసుల ఎదుట అంగీకరించినట్టు తెలుస్తోంది. షాపులో తెల్లటి పటికను పోలిన ఒక పదార్థాన్ని కూడా పోలీసులు కనుగొన్నారు. దానిని పరీక్షల నిమిత్తం పంపి దుకాణాన్ని సీల్‌ చేశారు. ఈ వీడియో వైరల్ అయిన వెంటనే స్థానికులు ఆ షాప్ దగ్గరకు చేరి ఆందోళన చేపట్టారు.