Viral Video: ఇది మెట్రో రైలు అనుకుంటే తప్పులో కాలేసినట్టే.. పూర్తి వీడియో చూస్తే షాక్‌తో నోట మాట రాదు..

ABN, Publish Date - Oct 08 , 2024 | 09:05 PM

మన వినాయక పందిళ్ల తరహాలోనే బెంగాల్‌లో దుర్గామాత పందిళ్లను రకరకాలుగా ఏర్పాటు చేస్తారు. ఎవరికి వారు తమ క్రియేటివిటీని చూపించి విభిన్న తరహాలోను పందిళ్లను రూపొందిస్తున్నారు. ప్రస్తుతం అలాంటి ఓ పందిరికి సంబంధించిన వీడియో సోషల్ మీడియాలో వైరల్ అవుతోంది.

This is not a metro but a Maa Durga pandal

నవరాత్రుల (Navratri) సందర్భంగా కోల్‌కతా నగరంలో (Kolkata) జరిగే సందడి అంతా ఇంతా కాదు. నవరాత్రుల ప్రారంభం నాటి నుంచి దసరా వరకు భక్తుల కోలాహలం ఓ స్థాయిలో ఉంటుంది. ఎక్కడ చూసినా దుర్గామాత పందిళ్లే (Durga maa Pandals) కనిపిస్తుంటాయి. వినాయక పందిళ్ల తరహాలోనే బెంగాల్‌లో దుర్గామాత పందిళ్లను రకరకాలుగా ఏర్పాటు చేస్తారు. ఎవరికి వారు తమ క్రియేటివిటీని (Creativity) చూపించి విభిన్న తరహాలోను పందిళ్లను రూపొందిస్తున్నారు. ప్రస్తుతం అలాంటి ఓ పందిరికి సంబంధించిన వీడియో సోషల్ మీడియాలో వైరల్ అవుతోంది. ఆ వీడియో చూసిన వారు షాక్ అవుతున్నారు (Viral Video).

@abirghoshal అనే ట్విటర్ హ్యాండిల్‌లో ఈ వీడియో షేర్ అయింది. వీడియో స్టార్ట్ అయిన వెంటనే మీరు మెట్రో (Metro Train) ట్రైన్ లోపలికి వెళ్తున్నట్లు అనిపిస్తుంది. కోచ్‌ గుండా నడిచి వెళ్తున్న ప్రజలు ఓ మెట్రో స్టేషన్ దగ్గరకు వెళ్లారు. చివరకు లోపలికి వెళితే దుర్గా మాత విగ్రహం వద్దకు చేరుకున్నారు. ఆ విగ్రహం దగ్గరకు చేరాలంటే అనేక మెట్రో కోచ్‌ల గుండా వెళ్లి స్టేషన్‌కు చేరుకోవాలి. వీడియో చివర దుర్గామాత విగ్రహం వైపు కెమెరా తిప్పిన తర్వాత గానీ అది దుర్గాదేవి పందిరి అని అర్థం కాదు. ఈ దుర్గామత పందిరి చాలా గొప్పగా, అందంగా కనిపిస్తోంది. ఈ వీడియోను చూసిన ఎవరైనా ఒక ప్రత్యేకమైన అనుభూతిని పొందుతారు.

ఈ వీడియో సోషల్ మీడియాలో వైరల్‌గా మారింది. ఈ వైరల్ వీడియోను ఇప్పటివరకు 12 లక్షల మందికి పైగా వీక్షించారు. 18 వేల మందికి పైగా ఈ వీడియోను లైక్ చేశారు. ఈ వీడియోపై నెటిజన్లు తమ స్పందనలను తెలియజేశారు. ``ఇది చాలా అందమైన దృశ్యం``, ``దీనిని నేను నమ్మలేకపోతున్నాను``, ``దానిని నిర్మించిన వారి క్రియేటివిటీకి జోహార్లు`` అంటూ నెటిజన్లు కామెంట్లు చేశారు.