Viral Video: వివాహ వేదిక మీద పంతులుగారి జోక్.. పగలబడి నవ్విన వధూవరులు.. ఏం జరిగిందంటే..

ABN, Publish Date - Oct 06 , 2024 | 05:39 PM

ప్రస్తుత సోషల్ మీడియా యుగంలో పెళ్లికి సంబంధించిన ఫన్నీ వీడియోలు, ఆసక్తికర ఘటనలు విపరీతంగా వైరల్ అవుతున్నాయి. ప్రస్తుతం అలాంటిదే ఓ వీడియో నెట్టింట వైరల్ అవుతోంది. వేదిక మీద వేద మంత్రాలు చదువుతున్న పంతులుగారు వేసిన జోక్‌కు వధూవరులు, అక్కడున్న వారందరూ పగలబడి నవ్వుకున్నారు.

Bride and Groom

వివాహ వేడుకలో (Wedding) జరిగే కొన్ని ఘటనలు ఎప్పటికీ గుర్తుండిపోతాయి. పెళ్లి ఆల్బమ్‌ను తిరగేసినపుడో, పెళ్లి వీడియో చూస్తున్నప్పుడో ఆ క్షణాలు గుర్తుకొచ్చి పెదాలపై చిరునవ్వు విరుస్తుంది. ప్రస్తుత సోషల్ మీడియా యుగంలో పెళ్లికి సంబంధించిన ఫన్నీ వీడియోలు (Wedding Videos), ఆసక్తికర ఘటనలు విపరీతంగా వైరల్ అవుతున్నాయి. అవి ఇతరుల మొహాల్లో కూడా చిరునవ్వులకు కారణమవుతున్నాయి. ప్రస్తుతం అలాంటిదే ఓ వీడియో నెట్టింట వైరల్ అవుతోంది. వేదిక మీద వేద మంత్రాలు చదువుతున్న పంతులుగారు (Pandit Ji) వేసిన జోక్‌కు వధూవరులు, అక్కడున్న వారందరూ పగలబడి నవ్వుకున్నారు. ఆ వీడియో సోషల్ మీడియా జనాలను విపరీతంగా ఆకట్టుకుంటోంది (Viral Video).

aashhoudit అనే ఇన్‌స్టాగ్రామ్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియోలో ఓ వివాహ వేడుక జరుగుతోంది. వధూవరులు వేదిక మీద ఉన్నారు. పంతులుగారు పెళ్లి మంత్రాలు చదువుతున్నారు. ఆ సమయంలో వధువు వేలికి వరుడు ఉంగరం తొడుగుతున్నాడు. అయితే ఎంతకీ ఆ ఉంగరం ఎక్కడం లేదు. వరుడు ఎంత ప్రయత్నించినా ఆ ఉంగరం ఎక్కించలేకపోతున్నాడు. వరుడి అవస్థను చూసిన పంతులుగారు మంత్రాలు చదువుతూనే మధ్యలో ``ఆ అమ్మాయి జిమ్‌కు వెళితే మంచిది`` అన్నారు. దీంతో అక్కడున్న అందరూ పగలబడి నవ్వుకున్నారు.

వేదిక మీద ఉన్న వధూవరులు తమ నవ్వును ఆపుకోలేకపోయారు. వరుడు అలా నవ్వుతూనే ఉండిపోయాడు. ఆ వీడియో సోషల్ మీడియాలో వైరల్‌గా మారింది. ఆ వీడియోకు మిలియన్ల కొద్దీ వ్యూస్ వచ్చాయి. 1.4 లక్షల కంటే ఎక్కువ మంది ఆ వీడియోను లైక్ చేశారు. ఆ వీడియోపై నెటిజన్లు ఫన్నీ కామెంట్లు చేశారు. ``సందర్భోచితమైన జోక్``, ``వేద మంత్రాల మధ్య బాడీ షేమింగ్ జోక్ బాగాలేదు``, ``వధువు చాలా స్పోర్టివ్‌గా తీసుకుంది`` అంటూ నెటిజన్లు కామెంట్లు చేశారు.