Viral Video: ఏమైనా తేడా వస్తే సరదా తీరిపోతుంది.. పాకిస్తాన్ విద్యార్థులు రీల్స్ కోసం ఏం చేస్తున్నారో చూడండి..

ABN, Publish Date - Oct 30 , 2024 | 03:39 PM

పాకిస్తాన్‌లోని ఓ యూనివర్సిటీకి చెందిన ఇద్దరు విద్యార్థులు తమ స్నేహితులతో ప్రమాదకర ఆటలాడారు. ఆ వీడియో చూసిన వారు ఆ విద్యార్థులపై ఆగ్రహం వ్యక్తం చేస్తున్నారు.

Dangerous stunt

సోషల్ మీడియా అందుబాటులోకి వచ్చాక ప్రజలను ఆకట్టుకునేందుకు చాలా మంది రకరకాల ప్రయత్నాలు చేస్తున్నారు. విచిత్ర ప్రయోగాలు చేసి ప్రజలను ఆకట్టుకునేందుకు ప్రయత్నిస్తున్నారు. కొందరు ప్రమాదకర సాహసాలు చేస్తుంటే, మరికొందరు సరదా పేరుతో వినూత్న ప్రయోగాలు చేస్తున్నారు. ప్రస్తుతం అలాంటిదే ఓ వీడియో సోషల్ మీడియాలో వైరల్ అవుతోంది. పాకిస్తాన్‌ (Pakistan)లోని ఓ యూనివర్సిటీకి చెందిన ఇద్దరు విద్యార్థులు (Students) తమ స్నేహితులతో ప్రమాదకర ఆటలాడారు (Dangerous Stunts). ఆ వీడియో చూసిన వారు ఆ విద్యార్థులపై ఆగ్రహం వ్యక్తం చేస్తున్నారు (Viral Video).

alihassan.48 అనే ఇన్‌‌స్టాగ్రామ్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియోలో ఇద్దరు కుర్రాళ్లు చేతులు పట్టుకుని యూనివర్సిటీలో తిరుగుతున్నారు. వెనక్కి తిరిగి నిల్చున్న వ్యక్తి దగ్గరకు వెళ్లి అతడిని తల్లక్రిందులుగా తిప్పుతున్నారు. అలా చాలా మంది విద్యార్థులతో సరదాగా ఫ్రాంక్ చేశారు. చూడడానికి అది ఫ్రాంక్‌లాగానే ఉంది కానీ, తేడా వస్తే మాత్రం చాలా పెద్ద ప్రమాదం జరగడానికి ఆస్కారం ఉంది. వారి చేష్టలను వేరే వ్యక్తి వీడియో తీసి సోషల్ మీడియాలో పోస్ట్ చేశారు. ఆ వీడియో కాస్తా సోషల్ మీడియాలో వైరల్‌గా మారింది.

ఆ వైరల్ వీడియోను ఇప్పటివరకు దాదాపు 5 కోట్ల మంది వీక్షించారు. 30 లక్షల కంటే ఎక్కువ మంది ఈ వీడియోను వీక్షించారు. ఈ వీడియోపై నెటిజన్లు తమ ఆగ్రహాన్ని వ్యక్తం చేశారు. ``ఇది నిజంగా సరదా కాదు. తేడా వస్తే వెన్నెముక విరిగిపోతుంది``, ``వీళ్లు ఎవరో ఒకరి ఎముకలు విరిచేస్తారు``, ``మెడ కూడా విరిగిపోయే ప్రమాదం ఉంది``, ``ఈ సరదా స్టంట్ చాలా సీరియస్ ప్రమాదాలకు కారణమవుతుంది`` అంటూ నెటిజన్లు కామెంట్లు చేశారు.