Viral Video: ఆకాశంలో అద్భుతం.. పక్కపక్కనే సూర్యుడు, చంద్రుడు.. వీడియో చూసిన నెటిజన్లు ఎందుకు తిడుతున్నారంటే..

ABN, Publish Date - Oct 08 , 2024 | 04:38 PM

సూర్యుడు ఉన్న సమయంలో కూడా చంద్రుడు కనబడుతుంటాడు గానీ, ప్రకాశవంతంగా ఇద్దరూ పక్కపక్కనే ఉండడాన్ని ఎవరూ చూసి ఉండారు. తాజాగా ఓ యూట్యూబ్ ఇన్‌ఫ్లుయెన్సర్ షేర్ చేసిన వీడియో, సమాచారం చూస్తే షాకవ్వాల్సిందే. మొదట ఆ వీడియో, అతడు చెప్పిన విషయం విన్న జనాలు ఆశ్చర్యపోయారు.

Sun and Moon

ఆకాశంలో సూర్య చంద్రులను పక్క పక్కనే ఒకేసారి చూడడం అనేది అత్యంత అరుదైన విషయం. సూర్యుడు (Sun) ఉన్న సమయంలో కూడా చంద్రుడు (Moon) కనబడుతుంటాడు గానీ, ప్రకాశవంతంగా ఇద్దరూ పక్కపక్కనే ఉండడాన్ని ఎవరూ చూసి ఉండారు. తాజాగా ఓ యూట్యూబ్ ఇన్‌ఫ్లుయెన్సర్ (Influencer) షేర్ చేసిన వీడియో, సమాచారం చూస్తే షాకవ్వాల్సిందే. మొదట ఆ వీడియో, అతడు చెప్పిన విషయం విన్న జనాలు ఆశ్చర్యపోయారు. ఆ తర్వాత నిరాశకు లోనై ఆ ఇన్‌ఫ్లుయెన్సర్‌పై ఆగ్రహం వ్యక్తం చేశారు. ఆ వీడియో సోషల్ మీడియాలో వైరల్‌గా మారింది (Viral Video).

techayas అనే ఇన్‌స్టాగ్రామ్ హ్యాండిల్‌లో ఈ వీడియో షేర్ అయింది. ఖగోళ సంఘటనకు సంబంధించిన సమాచారాన్ని ఆ వ్యక్తి రెండ్రోజుల క్రితం షేర్ చేశాడు. అక్టోబర్ 8వ తేదీ ఉదయం 7:15 గంటలకు చంద్రుడు, సూర్యుడు కలిసి కనిపిస్తారని చెప్పాడు. ఈ సీన్ మొదటిసారి జరగబోతోందని, మేడ మీదకు వెళ్లి వీక్షించాలని సూచించాడు. అతడు షేర్ చేసిన వీడియోకు మిలియన్ల కొద్దీ వ్యూస్ వచ్చాయి. 1.10 లక్షలకు పైగా లైక్స్ వచ్చాయి. అయితే ఆ వ్యక్తి చెప్పినట్టు ఈ రోజు ఉదయం అలాంటి సీన్ ఏదీ ఆకాశంలో కనిపించలేదు. దీంతో నెటిజన్లు అతడిపై ఆగ్రహం వ్యక్తం చేశారు.

నిరాశకు గురైన నెటిజన్లు ఆ ఇన్‌ఫ్లుయెన్సర్‌పై ఆగ్రహం వ్యక్తం చేశారు. ``నేను ఈ రోజు ఉదయం 7:15 గంటలకు ఈ రీల్ మాత్రమే చూశాను``, ``సూర్యచంద్రులు ఈ రీల్‌ను చూడలేదేమో, అందుకే ఇద్దరూ ఒకే దగ్గరకు రాలేకపోయారు``, ``ఇలాంటి పిచ్చి వీడియోలు చూసి మోసపోవద్దు``, ``అలాంటి అరుదైన ఘటనకు ఆస్కారం ఉంటే నాసా వంటి సంస్థలే ప్రకటిస్తాయి``, ``వ్యూస్ కోసం ఆ ఇన్‌ఫ్లుయెన్సర్‌ చేసిన ట్రిక్ ఇది``, ``మేఘాలు అడ్డుగా వచ్చాయి, లేకపోతే కనిపించేదేమో`` అంటూ నెటిజన్లు కామెంట్లు చేశారు.