Viral Video: టీజ్ చేసేందుకు సైకిల్ ఎక్కిన అబ్బాయి.. అమ్మాయి ఎలా బుద్ధి చెప్పిందో చూడండి..

ABN, Publish Date - Nov 25 , 2024 | 10:06 AM

ఫన్నీ వీడియోలు, ఆసక్తికర వీడియోలు చాలా మందిని ఆకట్టుకుంటున్నాయి. ప్రస్తుతం అలాంటిదే మరో వీడియో సోషల్ మీడియాలో వైరల్ అవుతోంది. ఆ వీడియోలో తన టీజ్ చేయాలనుకున్న ఓ అబ్బాయికి అమ్మాయి తగిన విధంగా బుద్ధి చెప్పింది. ఆ వీడియో చూసిన నెటిజన్లు నవ్వుకుంటున్నారు.

Viral Video

సోషల్ మీడియా ద్వారా ప్రతిరోజు కొన్ని వందల వీడియోలు మన కళ్ల ముందుకు వస్తున్నాయి. వాటిల్లో కొన్ని వీడియోలు చాలా మందిని ఆకట్టుకుంటున్నాయి. ముఖ్యంగా ఫన్నీ వీడియోలు, ఆసక్తికర వీడియోలు చాలా మందిని ఆకట్టుకుంటున్నాయి. ప్రస్తుతం అలాంటిదే మరో వీడియో సోషల్ మీడియాలో వైరల్ అవుతోంది. ఆ వీడియోలో తన టీజ్ చేయాలనుకున్న ఓ అబ్బాయి (Boy)కి అమ్మాయి (Girl) తగిన విధంగా బుద్ధి చెప్పింది. ఆ వీడియో చూసిన నెటిజన్లు నవ్వుకుంటున్నారు (Viral Video).

@Gulzar_sahab అనే ట్విటర్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియో ప్రకారం.. ఓ అమ్మాయి ఖాళీగా ఉన్న రోడ్డుపై సైకిల్ (bicycle) తొక్కుకుంటూ వెళ్తోంది. ఆ సమయంలో రోడ్డు మీద స్కేటింగ్ చేస్తున్న కుర్రాడు ఆ అమ్మాయిని చూశాడు. నేరుగా సైకిల్ దగ్గరకు వెళ్లి వెనుక కూర్చున్నాడు. ఆ అమ్మాయి దిగమన్నా దిగకుండా కూర్చున్నాడు. దీంతో ఆ అమ్మాయి సైకిల్‌ను రోడ్డు పక్కన ఉన్న కాలువలోకి పోనిచ్చింది. ముందుగానే ఆ అమ్మాయి దూకేసింది. దీంతో ఆ కుర్రాడు నేరుగా సైకిల్‌తో పాటు కాలువలోకి వెళ్లిపోయాడు. అలా ఆ అబ్బాయికి అమ్మాయి తగిన బుద్ధి చెప్పింది.

ఆ ఘటనకు సంబంధించిన వీడియో సోషల్ మీడియాలో షేర్ చేయడంతో అది కాస్తా వైరల్‌గా మారింది. ఆ వైరల్ వీడియోను ఇప్పటివరకు 4 లక్షల కంటే ఎక్కువ మంది ఈ వీడియోను వీక్షించారు. వందల మంది ఈ వీడియోను లైక్ చేశారు. ఈ వీడియోపై నెటిజన్లు తమ స్పందనలను తెలియజేశారు. ``వీళ్లు కొత్త తరం అమ్మాయిలు.. వీరిని టీజ్ చేస్తే ఫలితం ఇలాగే ఉంటుంది``, ``ఆ అబ్బాయికి రియల్ టేస్ట్ తెలిసింది``, ``ఆ అబ్బాయికి తగిన శాస్తి జరిగింది`` అంటూ నెటిజన్లు కామెంట్లు చేశారు.