Viral Video: పెళ్లి వేడుకలో పానీ పూరీ.. పానీ వేసేందుకు వాడిన టెక్నిక్ చూస్తే నివ్వెరపోవాల్సిందే..

ABN, Publish Date - Sep 03 , 2024 | 01:10 PM

మన దేశంలో చాలా మంది ఇష్టంగా తినే స్నాక్ పానీపూరీ. రోడ్ల పక్కన పెట్టే స్టాల్స్ దగ్గర పానీపూరీల కోసం క్యూలు కడుతుంటారు. చిన్నా, పెద్దా లేకుండా అందరూ ఇష్టపడే పానీపూరీని ఇటీవలి కాలంలో పెళ్లిళ్లు, ఇతర ఫంక్షన్లలో కూడా అందిస్తున్నారు. తాజాగా ఓ పెళ్లి వేడుకలో కూడా పానీపూరీ ఇచ్చారు.

serving golgappas in wedding parties

మన దేశంలో చాలా మంది ఇష్టంగా తినే స్నాక్ పానీపూరీ (Panipuri). రోడ్ల పక్కన పెట్టే స్టాల్స్ దగ్గర పానీపూరీల కోసం క్యూలు కడుతుంటారు. చిన్నా, పెద్దా లేకుండా అందరూ ఇష్టపడే పానీపూరీని ఇటీవలి కాలంలో పెళ్లిళ్లు, ఇతర ఫంక్షన్లలో కూడా అందిస్తున్నారు. తాజాగా ఓ పెళ్లి (Wedding) వేడుకలో కూడా పానీపూరీ (Golgappa) ఇచ్చారు. అయితే ఆ వేడుకల్లో పానీపూర్ స్టాల్ ఏర్పాటు చేసి అందర్నీ అక్కడ నిల్చోమనలేదు. ఓ అద్భుతమైన టెక్నిక్‌తో (Jugaad Video) అతిథులకు ఎలాంటి ఇబ్బందీ లేకుండా పానీపూరీ సర్వ్ చేశారు. ఆ వీడియో సోషల్ మీడియాలో వైరల్‌గా మారింది (Viral Video).

jaipal_chat_house ఇన్‌స్టాగ్రామ్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియోను ఓ పెళ్లి వేడుకలో చిత్రీకరించారు. వైరల్ అవుతున్న ఆ వీడియోలో ఓ వెయిటర్ తన చేతిలో పానీపూరీ ట్రే పట్టుకుని తిరుగుతున్నాడు. అతడి వీపు వెనుక ఓ గాజు సిలిండర్ లాంటిది ఉంది. పానీ ఉన్న ఆ సిలిండర్‌కు ఓ పైప్ అమర్చి ఉంది. ఎవరైనా పానీపూరీ తీసుకుంటే ఓ పైప్ ద్వారా పానీ వేస్తున్నాడు. చాలా ఈజీగా అందరికీ పానీపూరీ అందిస్తున్నాడు. ఈ వీడియో చూసిన వాళ్లు ఆశ్చర్యపోతున్నారు. ఎందుకంటే ఈ విధానంలో పానీపూరీ సర్వ్ చేయడం ఎక్కడా ఎవరూ చూసుండరు.

ఆ వైరల్ వీడియోను ఇప్పటివరకు కోటి మందికి పైగా వీక్షించారు. 14 లక్షల కంటే ఎక్కువ మంది ఈ వీడియోను లైక్ చేశారు. ఈ వీడియోపై నెటిజన్లు తమదైన శైలిలో కామెంట్లు చేశారు. ``నేను మొదట దానిని చూసి దోమల మందు కొట్టే పరికరం అనుకున్నా``, ``పానీపూరీ వాలా లైఫ్ చాలా సులభం అవుతుంది``, ``మనదేశం ఎంతో పురోగమించింది``, ``గొప్ప ఆవిష్కరణ`` అంటూ నెటిజన్లు కామెంట్లు చేశారు.