Viral Video: దీనినే జడ్ ప్లస్ ప్లస్ సెక్యూరిటీ అంటారు.. ఈ ఇంటి బయట సీసీటీవీ కెమెరాలను చూస్తే..

ABN, Publish Date - Oct 20 , 2024 | 02:02 PM

సాధారణంగా ఒక ఇంటికి రెండు, మూడు సీసీటీవీ కెమెరాలను అమర్చుతారు. అయితే ప్రస్తుతం వైరల్ అవుతున్న వీడియోలో ఒక ఇంటి బయట ఉన్న ఒకే గోడకు వరుసగా సీసీటీవీ కెమెరాలను అమర్చారు. ఆ వీడియో సోషల్ మీడియాలో వైరల్ అవుతోంది. ఆ వీడియో చూసిన నెటిజన్లు షాకవుతున్నారు.

CCTV surveillance all around outside the house

ప్రస్తుత రోజుల్లో నిఘా కోసం ప్రతి ఇల్లు, వీధి, ఆఫీస్‌ల్లో సీసీటీవీ కెమెరాలను అమర్చుతున్నారు. ఒక్క సీసీటీవీ (CCTV cameras) కెమెరా ఎన్నో నేరాలను ఆపుతుందని చాలా మంది దృఢంగా నమ్ముతున్నారు. సాధారణంగా ఇలాంటి సీసీటీవీ కెమెరాలను ఇంటి బయట స్థంభాలకు, గోడలకు అమర్చుతారు. సాధారణంగా ఒక ఇంటికి రెండు, మూడు సీసీటీవీ కెమెరాలను అమర్చుతారు. అయితే ప్రస్తుతం వైరల్ అవుతున్న వీడియోలో ఒక ఇంటి బయట ఉన్న ఒకే గోడకు వరుసగా సీసీటీవీ కెమెరాలను అమర్చారు. ఆ వీడియో సోషల్ మీడియాలో వైరల్ అవుతోంది. ఆ వీడియో చూసిన నెటిజన్లు షాకవుతున్నారు (Viral Video).

happychinalife అనే ఇన్‌స్టాగ్రామ్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియోలో ఓ ఇంటి బయటి భాగం కనిపిస్తోంది. ఆ ఇంటికి బయట ప్లాస్టింగ్ లేదు, పెయింటింగ్ కూడా లేదు. కానీ, ఆ ఇంటి భద్రత కోసం చేసిన ఏర్పాట్లు చూస్తే మాత్రం ఆశ్చర్యపోతారు. ఒకటి, రెండు కాదు.. ఇంటి చుట్టూ వరుసగా డజన్ల కొద్దీ సీసీటీవీ కెమెరాలు ఉన్నాయి. బయటి ప్రహారీ గోడకు వరుసగా సీసీటీవీ కెమెరాలు అమర్చారు. దీపావళి సందర్భంగా వరుసగా లైట్లు అమర్చినట్లు గోడలపై కెమెరాలు ఏర్పాటు చేశారు. ఒక్కో గోడపై డజన్ల కొద్దీ సీసీ కెమెరాలు ఉన్నాయి. ఆ వీడియోను పోస్ట్ చేసిన వ్యక్తి.. ``అది ఎవరి ఇల్లు`` అంటూ క్యాప్షన్ జోడించారు.

ఆ వీడియో సోషల్ మీడియాలో వైరల్‌గా మారింది. ఆ వైరల్ వీడియోకు 10 లక్షలకు పైగా వ్యూస్ వచ్చాయి. దాదాపు 1.1 లక్షల లైక్స్ వచ్చాయి. ఆ వీడియో చూసిన నెటిజన్లు తమదైన శైలిలో ఫన్నీ కామెంట్లు చేస్తున్నారు. ``అది కిమ్ జాంగ్ ఇల్లు అనుకుంటా``, ``ఇది Z ++++++++ సెక్యూరిటీ``, ``ఆ ఇంటి ఓనర్‌ది సీసీటీవీ కెమెరాల బిజినెస్ అయి ఉంటుంది. రిటర్న్ వచ్చిన పాడైపోయిన కెమెరాలను అలా ఇంటి గోడకు తగిలించి ఉంటాడు``, ``లోపల అణుబాంబును గానీ తయారు చేస్తున్నారా`` అంటూ నెటిజన్లు కామెంట్లు చేశారు.