ఏఐ టెక్నాలజీ పుణ్యమా అంటూ నెట్టింట వైరల్ వీడియోలకు కొదవ లేకుండా పోతోంది. ఈ టెక్నాలజీని ఉపయోగించి పలువురు తమ క్రియేటివిటీని చాటుకుంటున్నారు. ఇటీవల కాలంలో నెట్టింట వైరలవుతున్న వీడియోల్లో చాలా మటుకు ఏఐ ఉపయోగించి రూపొందించినవే ఉంటున్నాయి. తాజాగా ఇలాంటి ఓ వీడియోనే సోషల్ మీడియాను ఊపేస్తోంది. గంటల వ్యవధిలోనే వంద మిలియన్లకు పైగా వ్యూస్ తో దూసుకుపోతోంది. కానీ, కొందరు నెటిజన్లు మాత్రం ఈ వీడియోపై మండిపడుతున్నారు.

సుషీ అనే వంటకాన్ని జుగుప్సాకరమైన జీవిగా మార్చి చూపడంపై ఆగ్రహం వ్యక్తం చేస్తున్నారు. దీన్ని వెంటనే ఇంటెర్నెట్ నుంచి బ్యాన్ చేయాలని డిమాండ్ చేస్తున్నారు. వీడియో మొదట్లో ఒక ప్లేట్ లో సుషీ అనే పంజాబీ వంటకాన్ని చూపుతారు. కొద్ది సెకన్లకే అది దాని రూపం మార్చుకుంటుంది. ముందుగా కళ్లు.. ఆ తర్వాత కాళ్లు కనపడతాయి. మెల్లిగా పాకుతూ అది వీడియో చూసే వారివైపుకు వస్తున్నట్టుగా ఇందులో కనపడుతుంది.

ఇలా మొత్తానికి ఆ ఫుడ్ ఐటెంను ఓ భయంకరమైన జీవిలా మారుస్తారు. ఈ వీడియో కొందరిని విపరీతమైన కలవరపాటుకు గురిచేసింది. ఏఐ తో ఇటువంటివి రూపొందించి యూజర్లను హింసించడం ఏంటని మండిపడుతున్నారు. దీంతో సుషీని ఇంకోసారి తినలేకపోవచ్చని ఈ వీడియోకి కామెంట్లు పెడుతున్నారు. ఇటీవల ఫ్రెంచ్ ఫ్రైస్ డ్యాన్స్ చేస్తున్నట్టుగా వచ్చిన వీడియో మంచి పాపులారిటీని సంపాదించింది. దీంతో అలాంటిదే మరో ప్రయోగం చేయబోయి ఇలా బోల్తా కొట్టారు.

Viral Video: మిగిలిపోయిన చపాతీ పిండిని ప్రిడ్జ్‌లో పెడుతున్నారా.. ఈ వీడియో చూస్తే.. కళ్లు బైర్లుకమ్మాల్సిందే..