Viral Video: వావ్.. ఈ ఎలుగుబంటి చాలా తెలివైంది.. కార్ డోర్ ఎలా తీసిందో చూడండి.. తర్వాత ఏం చేసిందంటే..

ABN, Publish Date - Nov 22 , 2024 | 09:01 AM

మనుషులకు మచ్చిక అయితే తప్ప క్రూర మృగాలు చాలా క్రూరంగా ప్రవర్తిస్తాయి. ప్రస్తుతం వైరల్ అవుతున్న వీడియోలో ఓ ఎలుగుబంటి పూర్తిగా మనిషిలాగానే ప్రవర్తించింది. నిజం చెప్పాలంటే చాలా మంది మనుషుల కంటే చాలా ఉత్తమం అనిపించింది.

Bear entering into parking car

సాధారణంగా వన్య ప్రాణులు (Wild Animals) జనావాసానికి దూరంగా ఉంటాయి. మనుషులకు సంబంధించిన విషయంలో, వారు ఉపయోగించే వస్తువుల విషయంలో వాటికి పరిజ్ఞానం అసలే ఉండదు. మనుషులకు మచ్చిక అయితే తప్ప అవి చాలా క్రూరంగా ప్రవర్తిస్తాయి. ప్రస్తుతం వైరల్ అవుతున్న వీడియోలో ఓ ఎలుగుబంటి (Bear) పూర్తిగా మనిషిలాగానే ప్రవర్తించింది. నిజం చెప్పాలంటే చాలా మంది మనుషుల కంటే చాలా ఉత్తమం అనిపించింది. ఆ వీడియో సోషల్ మీడియాలో వైరల్ అవుతోంది (Viral Video).

nevene2020 అనే ఇన్‌స్టాగ్రామ్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియో ప్రకారం.. ఓ వీధిలో వరుసగా చాలా కార్లు పార్క్ చేసి ఉన్నాయి. అక్కడకు ఓ ఎలుగు బంటి వచ్చింది. ముందు ఓ కారు దగ్గరకు వెళ్లి దానిని పరిశీలించింది. డోర్ తీయడానికి ప్రయత్నించింది. ఆ డోర్ రాలేదు. దీంతో వెనుక ఉన్న మరో కారు దగ్గరకు వెళ్లింది. మనిషిలాగానే నిలబడి డోర్‌ను అన్‌లాక్ చేసింది. ఆ తర్వాత డోర్ ఓపెన్ చేసి స్టైల్‌గా లోపలికి వెళ్లి వెంటనే కూర్చుని డోర్ వేసుకుంది. ఆ ఘటన అక్కడ అమర్చిన సీసీటీవీ కెమెరాలో రికార్డ్ అయింది. ఆ వీడియోను సోషల్ మీడియాలో షేర్ చేయడంతో అది కాస్తా వైరల్‌గా మారింది.

ఆ వైరల్ వీడియోను ఇప్పటివరకు దాదాపు 5 లక్షల మంది వీక్షించారు. 57 వేల మందికి పైగా ఆ వీడియోను లైక్ చేశారు. ఆ వీడియోపై నెటిజన్లు తమ స్పందనలను తెలియజేశారు. ``చాలా మంది మనుషుల కంటే ఈ ఎలుగుబంటికి ఎక్కువ విషయాలు తెలుసు``, ``అందుకే కారును ఎప్పుడూ లాక్ చేసి ఉంచాలి``, ``ఆ కార్ ఓనర్ డోర్ ఓపెన్ చేసి చూస్తే హార్ట్ ఎటాక్ వస్తుంది`` అంటూ నెటిజన్లు కామెంట్లు చేశారు.