Viral Video: పాపం.. కార్ వెనుక స్టంట్ చేద్దామనుకున్నాడు.. చివరకు అతడి పరిస్థితి ఏమైందంటే..

ABN, Publish Date - Nov 02 , 2024 | 09:40 PM

పాపులారిటీ కోసం కోసం జనాలు ఏం చేయడానికైనా సిద్ధపడుతున్నారు. ఇన్‌స్టాగ్రామ్ రీల్స్ కోసం చాలా మంది తమ ప్రాణాలను సైతం పణంగా పెట్టి ప్రమాదకర స్టంట్లు చేస్తున్నారు. ఒక్కోసారి ఆ ప్రయత్నాలు చాలా ప్రమాదకరంగా పరిణమిస్తున్నాయి.

car stunt goes wrong

ప్రస్తుత సోషల్ మీడియా యుగంలో వ్యూస్, లైక్స్‌కు విపరీతంగా ప్రాధాన్యం పెరిగిపోయింది. పాపులారిటీ కోసం కోసం జనాలు ఏం చేయడానికైనా సిద్ధపడుతున్నారు. ఇన్‌స్టాగ్రామ్ రీల్స్ (Instagram Reels) కోసం చాలా మంది తమ ప్రాణాలను సైతం పణంగా పెట్టి ప్రమాదకర స్టంట్లు చేస్తున్నారు (Stunt Videos). ఒక్కోసారి ఆ ప్రయత్నాలు చాలా ప్రమాదకరంగా పరిణమిస్తున్నాయి. ప్రస్తుతం అలాంటిదే ఓ వీడియో సోషల్ మీడియాలో వైరల్ అవుతోంది (Viral Video).

ఆ వీడియోలో ఓ కుర్రాడు నడిరోడ్డుపై స్కేటింగ్ చేస్తూ ప్రమాదానికి గురయ్యాడు. @nikkym143 అనే ట్విటర్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియోలో ఓ కుర్రాడు స్కేటింగ్ (Skating) షూస్ ధరించి రోడ్డుపైకి వచ్చాడు. రోడ్డుపై వెళ్తున్న ఓ కారును (Car) పట్టుకుని దాని వెనుక వెళ్లేందుకు ప్రయత్నించాడు. అయితే బ్యాలెన్స్ తప్పి పోయి కింద పడిపోయాడు. ఆ వేగానికి పలుసార్లు పల్టీలు కొట్టుకుంటూ ముందుకు వెళ్లాడు. ఆ సమయంలో వెనుక ఏమీ వాహనాలు రాకపోవడంతో ఆ కుర్రాడికి పెద్ద ప్రమాదం తప్పింది.

బైక్ మీద వస్తున్న అతని ఫ్రెండ్స్ ఆ ఘటనను వీడియో తీసి సోషల్ మీడియాలో పోస్ట్ చేశారు. నిజానికి ఇది పాత వీడియోనే. కానీ మళ్లీ ప్రస్తుతం సోషల్ మీడియాలో వైరల్‌గా మారింది. ఈ వీడియోను దాదాపు 3.7 లక్షల మంది వీక్షించారు. చాలా మంది ఆ వీడియోలోని కుర్రాడిపై ఆగ్రహం వ్యక్తం చేశారు. ``రీల్స్ కోసం ఇలాంటి రిస్క్‌లు ఎందుకు బ్రదర్``, ``ఇలా రిస్క్‌లు చేసి లైఫ్ గేమ్‌లో ఓడిపోకండి``, ``ఆ కుర్రాడికి కౌన్సిలింగ్ అవసరం`` అంటూ నెటిజన్లు కామెంట్లు చేశారు.