Viral Video: వామ్మో.. వాహనాలు గాల్లోకి ఎలా ఎగురుతున్నాయో చూడండి.. కారణం ఏంటో తెలిస్తే..

ABN, Publish Date - Oct 28 , 2024 | 08:40 PM

రోడ్లపై స్పీడ్ బ్రేకర్లకు ఉన్నాయనేందుకు సూచనగా ఆ స్థలంలో పెయింట్‌తో మార్కింగ్ చేస్తారు. లేకపోతే స్పీడ్‌గా వచ్చే వాహనదారులు ఆ స్పీడ్ బ్రేకర్లను గుర్తించలేరు. దాంతో ఊహించని ప్రమాదాలు జరిగేందుకు ఆస్కారం ఉంది. ప్రస్తుతం వైరల్ అవుతున్న వీడియో చూస్తే షాక్‌కు గురి కావాల్సిందే.

Cars, trucks in air after hitting Gurugram speed bump

వేగంగా వెళ్తున్న వాహనాలను కంట్రోల్ చేయడానికి రోడ్లుపై స్పీడ్ బ్రేకర్లను (Speed breaker) ఏర్పాటు చేస్తుంటారు. స్పీడ్ బ్రేకర్లకు ఉన్నాయనేందుకు సూచనగా ఆ స్థలంలో పెయింట్‌తో మార్కింగ్ చేస్తారు. లేకపోతే స్పీడ్‌గా వచ్చే వాహనదారులు ఆ స్పీడ్ బ్రేకర్లను గుర్తించలేరు. దాంతో ఊహించని ప్రమాదాలు జరిగేందుకు ఆస్కారం ఉంది. ప్రస్తుతం వైరల్ అవుతున్న వీడియో చూస్తే షాక్‌కు గురి కావాల్సిందే. గుర్గావ్ (Gurgaon)లోని గోల్ఫ్ కోర్స్ రోడ్డులో ఈ ఘటన చోటు చేసుకుంది. ఆ వీడియో సోషల్ మీడియాలో వైరల్‌గా మారింది (Viral Video).

గుర్గావ్‌లోని గోల్ఫ్ కోర్స్ రోడ్డులో ఎలాంటి సూచనలు, మార్కింగ్ లేకుండా ప్రధాన రహదారిపై స్పీడ్ బ్రేకర్లను ఏర్పాటు చేశారు. దీంతో ఆ రోడ్డుపై వేగంగా వస్తున్న వాహనదారులు ఆ స్పీడ్ బ్రేకర్‌ను గుర్తించలేకపోయారు. ముందుగా ఓ కారు వేగంగా వచ్చి ఆ స్పీడ్ బ్రేకర్ ఎక్కి గాల్లోకి లేచింది. కొద్ది దూరం వరకు ఎగిరి వెళ్లింది. ఆ తర్వాత వేగంగా వచ్చిన రెండు లారీలు కూడా అలాగే గాల్లోకి ఎగిరాయి. ఆ వాహనాలకు సంబంధించిన వీడియో సోషల్ మీడియాలో పోస్ట్ అయింది. @BunnyPunia అనే ట్విటర్ యూజర్ ఆ వీడియోను షేర్ చేశారు. ఆ వీడియో చూసిన వారు ఆశ్చర్యపోతున్నారు.

ఆ వీడియో సోషల్ మీడియాలో బాగా వైరల్ అవుతోంది. ఇప్పటివరకు దాదాపు 5 లక్షల మంది ఆ వీడియోను వీక్షించారు. 3.6 వేల మందికి పైగా ఆ వీడియోను లైక్ చేశారు. ఆ వీడియోపై నెటిజన్లు తమ స్పందనలు తెలియజేశారు. ``వాహనాలు స్పీడ్‌గా వెళ్లే గోల్ఫ్ కోర్సు రోడ్డులో స్పీడ్ బ్రేకర్ ఏర్పాటు చేయడం మంచి ఆలోచన. అయితే మార్కింగ్స్ చేయకపోవడం దారుణం``, ``చాలా పెద్ద ప్రమాదాలకు ఆస్కారం ఉంది``, ``వెంటనే మార్కింగ్స్ ఏర్పాటు చేయాలి`` అంటూ నెటిజన్లు కామెంట్లు చేశారు.