Viral Video: వామ్మో.. ఇలాంటిది ఎప్పుడూ చూడలేదే.. బీచ్‌ సందర్శకులకు పరుగులు పెట్టించిన తూనీగలు!

ABN, Publish Date - Jul 31 , 2024 | 04:28 PM

సాధారణంగా తూనీగలు చిన్న కీటకాలు. ఎవరికీ ఎలాంటి హానీ కలిగించలేవు. అయితే తూనీగలను తక్కువ అంచనా వేయకూడదు. అవి తలచుకుంటూ మనుషులను పరుగులు పెట్టించగలవని తాజాగా రుజువైంది. అమెరికాలోని ఓ బీచ్‌లో సేద తీరుతున్న సందర్శకులను తూనీగలు హడలెత్తించాయి.

Dragon flies attacks people in beach

సాధారణంగా తూనీగలు (Dragon fly) చిన్న కీటకాలు. ఎవరికీ ఎలాంటి హానీ కలిగించలేవు. అయితే తూనీగలను తక్కువ అంచనా వేయకూడదు. అవి తలచుకుంటే మనుషులను పరుగులు పెట్టించగలవని తాజాగా రుజువైంది. అమెరికా (America)లోని ఓ బీచ్‌లో (Beach) సేద తీరుతున్న సందర్శకులను తూనీగలు హడలెత్తించాయి. వాటి ధాటికి తట్టుకోలేక అందరూ బీచ్ నుంచి పారిపోయారు. ఈ ఘటనకు సంబంధించిన వీడియో ప్రస్తుతం సోషల్ మీడియాలో వైరల్ అవుతోంది. అమెరికాలోని రోడ్ ఐలాండ్‌లోని మిస్క్వామికట్ బీచ్‌లో ఈ ఘటన జరిగింది (Viral Video).

@CollinRugg అనే ట్విటర్ యూజర్ ఈ వీడియోను షేర్ చేశారు. వైరల్ అవుతున్న ఆ వీడియోలో సముద్ర తీరాన కొందరు వ్యక్తులు సేద తీరుతున్నారు. అంతలో తూనీగలు లక్షల సంఖ్యలో ఆ బీచ్ పైకి దూసుకొచ్చాయి. అక్కడి ఆహ్లాదకర పరిస్థితిని భయానకంగా మార్చాయి. అంత భారీ సంఖ్యలో తూనీగలను చూసి అక్కడి వారు ఆశ్చర్యపోయారు. కొందరు దాక్కునేందుకు ప్రయత్నించారు. మరికొందరు తమ వస్తువులు తీసుకుని అక్కడి నుంచి వెళ్లిపోయారు. కొంతమంది అక్కడ హాయిగా నిలబడి ఈ కీటకాల గుంపును వీడియో తీస్తున్నారు. వేసవిలో సంతానోత్పత్తి సమయంలో లేదా వాతావరణ మార్పుల కారణంగా కోట్ల కొద్దీ తూనీగలు ఇలా ప్రయాణిస్తుంటాయి.

ఈ వీడియో ప్రస్తుతం సోషల్ మీడియాలో వైరల్‌గా మారింది. 38 లక్షల మంది ఈ వీడియోను వీక్షించారు. 15 వేల మందికి పైగా ఈ వీడియోను లైక్ చేశారు. ఈ వీడియోపై నెటిజన్లు తమ స్పందనలను తెలియజేశారు. ``ఇది ప్రకృత్తి విపత్తుకు సంకేతమా``, ``అక్కడ పరిస్థితి మొత్తం భయానకంగా మారింది``, ``ఇలాంటిది నా జీవితంలో చూడలేదు`` అంటూ నెటిజన్లు కామెంట్లు చేశారు.