Viral Video: బాయ్‌ఫ్రెండ్‌తో ఛాటింగ్.. పేరెంట్స్‌కు ఎలా దొరికిపోయిందో చూస్తే నవ్వాపుకోలేరు..

ABN, Publish Date - Nov 07 , 2024 | 01:19 PM

స్నేహితులతో, ప్రియమైన వారితో నిరంతరం కనెక్ట్ అయి ఉండేందుకే ఎక్కువ మంది ఆసక్తి చూపుతున్నారు. వాట్సాప్, ఫేస్‌బుక్, టెలిగ్రామ్ వంటి యాప్‌ల ద్వారా తమకు ప్రియమైన వారితో ఛాటింగ్ చేస్తూనే ఉంటారు. అయితే ఆ విషయం పేరెంట్స్‌కు, పెద్ద వాళ్లకు తెలియకుండా తగు జాగ్రత్తలు తీసుకుంటారు.

Girl chatting with boy friend

ప్రస్తుతం యువత ఎక్కువగా సోషల్ మీడియాలోనే సమయం గడుపుతోంది. స్నేహితులతో, ప్రియమైన వారితో నిరంతరం కనెక్ట్ అయి ఉండేందుకే ఎక్కువ మంది ఆసక్తి చూపుతున్నారు. వాట్సాప్, ఫేస్‌బుక్, టెలిగ్రామ్ వంటి యాప్‌ల ద్వారా తమకు ప్రియమైన వారితో ఛాటింగ్ (Chatting) చేస్తూనే ఉంటారు. అయితే ఆ విషయం పేరెంట్స్‌కు, పెద్ద వాళ్లకు తెలియకుండా తగు జాగ్రత్తలు తీసుకుంటారు. అలాగే ఓ అమ్మాయి ఇంట్లో కూర్చుని బాయ్‌ఫ్రెండ్‌తో (Boy friend) ఛాటింగ్ చేస్తోంది. అయితే అనుకోకుండా ఆమె ఎవరితో, ఏం ఛాటింగ్ చేస్తోందో ఇంట్లో వాళ్లకు తెలిసిపోయింది. ఆ ఫన్నీ వీడియో సోషల్ మీడియాలో వైరల్ అవుతోంది (Viral Video).

@sarcasqo అనే ట్విటర్ హ్యాండిల్‌లో ఆ వీడియో షేర్ అయింది. వైరల్ అవుతున్న ఆ వీడియోలో ఓ అమ్మాయి తన ఇంట్లోని మంచం మీద కూర్చుని మొబైల్‌లో తన బాయ్‌ఫ్రెండ్‌తో ఛాటింగ్ చేస్తోంది. మిగతా కుటుంబ సభ్యులు అదే గదిలో కూర్చుని టీవీ చూస్తున్నారు. తన ఛాటింగ్‌ను ఎవరూ చూడడం లేదని ఆ అమ్మాయి అనుకుంటోంది. అయితే ఆ అమ్మాయి మొబైల్ టీవీకి కనెక్ట్ అయి ఉండడంతో ఆమె చేస్తున్నదంతా టీవీ స్క్రీన్‌పై కనిపిస్తోంది. ఆమె వ్యవహారాన్ని కుటుంబ సభ్యులు గమనించారు. అసలు విషయం తెలుసుకుని ఆ అమ్మాయి అవాక్కయింది. ఆ వీడియో సోషల్ మీడియాలో వైరల్‌గా మారింది.

ఆ వీడియోను ఇప్పటివరకు దాదాపు 1.4 లక్షల మంది వీక్షించారు. వందల మంది ఆ వీడియను లైక్ చేశారు. ఆ వీడియోపై నెటిజన్లు తమ స్పందనలను తెలియజేశారు. ``అది తుఫాను ముందు ప్రశాంతత``, ``దీని తర్వాత అక్కడ యుద్ధం మొదలవుతుంది``, ``ఆ అమ్మాయి దీనిని కలలో కూడా ఊహించి ఉండదు``, ``టెక్నాలజీ ఇలా కూడా ఉంటుంది మరి`` అంటూ నెటిజన్లు కామెంట్లు చేస్తున్నారు.