Viral Video: వామ్మో.. ఎంత పెద్ద ప్రమాదం.. స్టంట్ చేయబోతే ఏం జరిగిందో చూడండి.. వీడియో వైరల్..

ABN, Publish Date - Nov 01 , 2024 | 08:01 PM

ఈ సోషల్ మీడియా యుగంలో రీల్స్ కోసం చాలా మంది ప్రాణాంతక సాహసాలు చేస్తున్నారు. ఆ క్రమంలో భారీ ప్రమాదాల బారిన పడుతున్నారు. అయినా మిగిలిన వారు జాగ్రత్తలు తీసుకోవడం లేదు. ప్రస్తుతం సోషల్ మీడియాలో వైరల్ అవుతున్న వీడియో చూస్తే ఆశ్చర్యపోవాల్సిందే.

Man Falls into deadly valley after failed backflip

కొందరు సరదా కోసం సాహసాలు (Adventures) చేస్తుంటారు, మరికొందరు థ్రిల్ కోసం రిస్క్ తీసుకుంటుంటారు. ఈ సోషల్ మీడియా యుగంలో రీల్స్ (Reels) కోసం చాలా మంది ప్రాణాంతక సాహసాలు చేస్తున్నారు. ఆ క్రమంలో భారీ ప్రమాదాల బారిన పడుతున్నారు. అయినా మిగిలిన వారు జాగ్రత్తలు తీసుకోవడం లేదు. ప్రస్తుతం సోషల్ మీడియాలో వైరల్ అవుతున్న వీడియో చూస్తే ఆశ్చర్యపోవాల్సిందే. ఆ వీడియోలో ఓ కుర్రాడు బ్యాక్ ఫ్లిప్ (backflip) చేసి భారీ ప్రమాదానికి గురయ్యాడు. ఆ వీడియో సోషల్ మీడియాలో వైరల్ అవుతోంది (Viral Video).

@cctvidiots అనే ట్విటర్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియో ప్రకారం.. ఇద్దరు కుర్రాళ్లు ఓ కొండ అంచున నిల్చుని ఉన్నారు. వారిలో ఓ కుర్రాడు బ్యాక్ ఫ్లిప్ చేశాడు. ఆ స్టంట్ పూర్తి చేసిన తర్వాత బ్యాలెన్స్ చేసుకోలేకపోయాడు. దీంతో కొండ అంచు నుంచి పక్కనే ఉన్న భారీ లోయలోకి పడిపోయాడు. అయితే ఆ వ్యక్తి ఏమయ్యాడనే సమాచారం మాత్రం తెలియలేదు. ఆ షాకింగ్ వీడియో సోషల్ మీడియాలో షేర్ చేసినప్పటి నుంచి తెగ వైరల్ అవుతోంది. ఆ కుర్రాడి సమాచారం తెలుసుకునేందుకు చాలా మంది ఆసక్తి చూపుతున్నారు.

ఆ వైరల్ వీడియోను ఇప్పటికి 10 లక్షల మందికి పైగా వీక్షించారు. 5 వేల కంటే ఎక్కువ మంది ఆ వీడియోను లైక్ చేశారు. ఆ వీడియోపై నెటిజన్లు తమదైన శైలిలో స్పందించారు. ``ఆ వ్యక్తి నిజంగా ఇడియెట్``, ``ఆ వ్యక్తి ఎముకలు విరిగిపోయాయి, బతికే ఉన్నాడు``, ``ఒక వీడియో కోసం జీవితాన్ని రిస్క్‌లో పెట్టడం మూర్ఖత్వం``, ``ఆ కుర్రాడు కొండ అంచు వరకు కావాలనే పరిగెత్తాడు. అనుకోకుండా కింద పడిపోయాడు`` అంటూ నెటిజన్లు కామెంట్లు చేశారు.