Viral Video: ఇన్ని తెలివితేటలు తట్టుకోలేం భయ్యా.. పాత చెప్పును ఫోన్ హోల్డర్‌లా ఎలా మార్చాడో చూడండి..

ABN, Publish Date - Nov 04 , 2024 | 07:25 AM

మన దేశంలో చాలా మంది తమ బుర్రలకు పదును పెట్టి వినూత్న ఆవిష్కరణలు చేస్తుంటారు. ఎక్కువ ఖర్చు పెట్టి కొనక్కర్లేకుండా ఉన్న వాటినే తమకు అనుకూలంగా మార్చుకుని సర్దుకుపోతుంటారు. ఆ క్రమంలో అద్భుతంగా ఆలోచించి కొత్త వస్తువులు తయారు చేస్తుంటారు.

jugaad trick

మన దేశంలో చాలా మంది తమ బుర్రలకు పదును పెట్టి వినూత్న ఆవిష్కరణలు (New Innovations) చేస్తుంటారు. ఎక్కువ ఖర్చు పెట్టి కొనక్కర్లేకుండా ఉన్న వాటినే తమకు అనుకూలంగా మార్చుకుని సర్దుకుపోతుంటారు. ఆ క్రమంలో అద్భుతంగా ఆలోచించి కొత్త వస్తువులు తయారు చేస్తుంటారు. అలాంటి ఎన్నో వీడియోలు ఇప్పటికే సోషల్ మీడియాలో వైరల్‌గా మారాయి. ప్రస్తుతం అలాంటిదే ఓ జుగాడ్ వీడియో (Jugaad Videos) చాలా మందిని ఆకట్టుకుంటోంది. ఆ వీడియో చూస్తే ఆశ్చర్యపోవాల్సిందే. పాత చెప్పును (Slipper) ఫోన్ ఛార్జింగ్ హోల్డర్‌గా (Charging Holder) మార్చిన తీరు చూస్తే నివ్వెరపోవాల్సిందే (Viral Video).

@happyfeet_286 అనే ట్విటర్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియో ప్రకారం.. ఓ వ్యక్తి పాత చెప్పును తీసుకుని ఛార్జర్ పెట్టడానికి వీలుగా దానికి రెండు రంధ్రాలు చేశాడు. వాటి గుండా ఛార్జర్ పిన్‌ను ఇన్సర్ట్ చేశాడు. ఆ భాగం మొత్తాన్ని కట్ చేసి నేరుగా ప్లగ్‌కు తగిలించాడు. చెప్పు పట్టీలలో ఫోన్ పెట్టి ఛార్జింగ్ హోల్డర్‌లా మార్చేశాడు. ``ఇండియా బిగినర్స్ కోసం కాదు`` అంటూ ఈ వీడియోను షేర్ చేశాడు. ఈ తెలివి చూసి చాలా మంది ఆశ్చర్యపోతున్నారు. అతడి తెలివికి సలాం కొడుతున్నారు.

ఈ వైరల్ వివిధ సామాజిక మాధ్యమ హ్యాండిల్స్ ద్వారా షేర్ అయి వైరల్ అవుతోంది. ఈ వైరల్ వీడియోకు వేలల్లో వ్యూస్, వందల్లో లైక్స్ వస్తున్నాయి. ఈ వీడియో చూసిన నెటిజన్లు ఫన్నీ కామెంట్లు చేస్తున్నారు. ``అతడు హీల్స్‌తో కూడా ఇంకేమైనా వస్తువులు తయారు చేస్తాడేమో``, ``వావ్.. అతడి తెలివికి హ్యాట్సాఫ్``, ``ఇకపై అందరూ ఛార్జింగ్ కోసం చెప్పులు కొంటే బెటర్ అనుకుంటా`` అంటూ నెటిజన్లు ఫన్నీ కామెంట్లు చేస్తున్నారు.