అర్జున్‌ పరాజయం
ABN, Publish Date - Nov 15 , 2024 | 02:38 AM
టాస్‌ స్టీల్‌ చెస్‌ ఇండియా ఓపెన్ ర్యాపిడ్‌లో తెలుగు గ్రాండ్‌ మాస్టర్‌ అర్జున్‌ ఇరిగేసికి రెండు ఓటములు ఎదురయ్యాయి. టోర్నీకి రెండో రోజైన గురువారం జరిగిన నాలుగో రౌండ్‌లో సొ వెస్లీ (అమెరికా), ఆరో రౌండ్‌లో టాప్‌ ర్యాంకర్‌ కార్ల్‌సన్‌ (నార్వే) చేతిలో...
కోల్‌కతా: టాస్‌ స్టీల్‌ చెస్‌ ఇండియా ఓపెన్ ర్యాపిడ్‌లో తెలుగు గ్రాండ్‌ మాస్టర్‌ అర్జున్‌ ఇరిగేసికి రెండు ఓటములు ఎదురయ్యాయి. టోర్నీకి రెండో రోజైన గురువారం జరిగిన నాలుగో రౌండ్‌లో సొ వెస్లీ (అమెరికా), ఆరో రౌండ్‌లో టాప్‌ ర్యాంకర్‌ కార్ల్‌సన్‌ (నార్వే) చేతిలో పరాజయం పాలైన అర్జున్‌.. ఐదో రౌండ్‌లో సహచరుడు నారాయణ లైనాతో గేమ్‌ను డ్రాగా ముగించాడు. ఇక, మహిళల విభాగం నాలుగో రౌండ్‌లో దివ్య దేశ్‌ముఖ్‌పై గెలిచిన హారిక.. ఐదో రౌండ్‌లో వంతిక అగర్వాల్‌, ఆరో రౌండ్‌ వాలెంటినా గునియాతో గేమ్‌లను డ్రాగా ముగించింది. కాగా, మరో జీఎం కోనేరు హంపి రెండు గేమ్‌లు ఓడి ఓ మ్యాచ్‌ను డ్రా చేసుకొంది. మొత్తంగా ఆరు రౌండ్లు ముగిసే సరికి అర్జున్‌ 2 పాయింట్లతో ఎనిమిదో స్థానంలో.. మహిళల్లో హారిక 3.5 పాయింట్లతో నాలుగు, హంపి 2 పాయింట్లతో 8వ స్థానంలో ఉన్నారు.
Updated Date - Nov 15 , 2024 | 02:38 AM
