ఆసీస్‌ క్లీన్‌స్వీప్‌
ABN, Publish Date - Nov 19 , 2024 | 06:36 AM
పాకిస్థాన్‌తో జరిగిన మూడు టీ20ల సిరీస్‌ను ఆస్ట్రేలియా 3-0తో క్లీన్‌స్వీప్‌ చేసింది. సోమవారం ఆఖరిదైన మూడో మ్యాచ్‌లో 7 వికెట్ల తేడాతో ఘన విజయం సాధించింది. అలాగే ఆసీస్‌
మూడో టీ20లోనూ పాక్‌ ఓటమి
హోబర్ట్‌: పాకిస్థాన్‌తో జరిగిన మూడు టీ20ల సిరీస్‌ను ఆస్ట్రేలియా 3-0తో క్లీన్‌స్వీప్‌ చేసింది. సోమవారం ఆఖరిదైన మూడో మ్యాచ్‌లో 7 వికెట్ల తేడాతో ఘన విజయం సాధించింది. అలాగే ఆసీస్‌ చేతిలో పాక్‌కిది వరుసగా ఏడో ఓటమి కావడం గమనార్హం. ముందుగా బ్యాటిం గ్‌కు దిగిన పాక్‌ 18.1 ఓవర్లలో 117 పరుగులకు కుప్పకూలింది. బాబర్‌ (41) మాత్రమే రాణించా డు. హార్డీకి మూడు.. జంపా, జాన్సన్‌లకు రెండేసి వికెట్లు దక్కాయి. ఆ తర్వాత ఛేదనలో ‘మ్యాన్‌ ఆఫ్‌ ది మ్యాచ్‌’ స్టొయినిస్‌ (27 బంతుల్లో 5 ఫోర్లు, 5 సిక్సర్లతో 61 నాటౌట్‌) విజృంభించడంతో ఆసీస్‌ 11.2 ఓవర్లలో 118/3 స్కోరు చేసి గెలుపొందింది. ఇంగ్లిష్‌ (27) ఫర్వాలేదనిపించాడు.
Updated Date - Nov 19 , 2024 | 06:36 AM
