దీపిక పాంచ్‌ పటాక
ABN, Publish Date - Nov 15 , 2024 | 02:55 AM
చిచ్చరపిడుగు దీపిక ఐదు గోల్స్‌తో మోతెక్కించడంతో.. మహిళల ఆసియా చాంపియన్స్‌ ట్రోఫీలో డిఫెండింగ్‌ చాంప్‌ భారత్‌ సెమీస్‌ బెర్త్‌ను దాదాపు ఖాయం చేసుకొంది. గురువారం ఏకపక్షంగా సాగిన మ్యాచ్‌లో భారత్‌...
13-0తో థాయ్‌పై భారత్‌ గెలుపు
రాజ్‌గిర్‌ (బిహార్‌): చిచ్చరపిడుగు దీపిక ఐదు గోల్స్‌తో మోతెక్కించడంతో.. మహిళల ఆసియా చాంపియన్స్‌ ట్రోఫీలో డిఫెండింగ్‌ చాంప్‌ భారత్‌ సెమీస్‌ బెర్త్‌ను దాదాపు ఖాయం చేసుకొంది. గురువారం ఏకపక్షంగా సాగిన మ్యాచ్‌లో భారత్‌ 13-0తో పసికూన థాయ్‌లాండ్‌ను చిత్తు చేసి టోర్నీలో మూడో విజయాన్ని నమోదు చేసింది. దీపిక (3వ, 19వ, 43వ, 45వ, 45వ నిమిషాలు) ఐదు గోల్స్‌ చేయగా.. ప్రీతి దూబే (9, 40), లాల్‌రిమ్సియామి (12, 56), మనీషా చౌహాన్‌ (55, 58) తలో రెండు గోల్స్‌ సాధించారు. డుంగ్‌ డుంగ్‌ (30), నవ్‌నీత్‌ కౌర్‌ (53) చెరో గోల్‌ కొట్టారు. శనివారం జరిగే నాలుగో మ్యాచ్‌లో ఒలింపిక్‌ రజత పతక విజేత చైనాతో భారత్‌ తలపడనుంది. రౌండ్‌ రాబిన్‌ లీగ్‌ ఫార్మాట్‌లో జరుగుతున్న టోర్నీలో ప్రస్తుతం భారత్‌ 9 పాయింట్లతో రెండో స్థానంలో ఉంది.
Updated Date - Nov 15 , 2024 | 02:55 AM
