పట్నా ఫటాఫట్‌
ABN, Publish Date - Nov 09 , 2024 | 05:49 AM
ప్రొ కబడ్డీ లీగ్‌లో పట్నా పైరేట్స్‌ జట్టు నాలుగో విజయాన్ని నమోదు చేసింది. శుక్రవారం ఇక్కడ జరిగిన పోరులో పట్నా 43-41తో జైపూర్‌ పింక్‌పాంథర్స్‌ను ఓడించింది.
జైపూర్‌పై విజయం
హైదరాబాద్‌: ప్రొ కబడ్డీ లీగ్‌లో పట్నా పైరేట్స్‌ జట్టు నాలుగో విజయాన్ని నమోదు చేసింది. శుక్రవారం ఇక్కడ జరిగిన పోరులో పట్నా 43-41తో జైపూర్‌ పింక్‌పాంథర్స్‌ను ఓడించింది. ఆరంభంలో దూకుడుగా ఆడిన పింక్‌పాంథర్స్‌ ఆఖర్లో పట్నా ఆటగాళ్ల అనూహ్య విజృంభణకు చేతులెత్తేసింది. పట్నా తరఫున అయాన్‌ 14, దేవాంక్‌ 11 పాయింట్లతో సత్తాచాటారు. జైపూర్‌లో అర్జున్‌ దేశ్వాల్‌ 20 పాయింట్లతో చెలరేగినా ఫలితం లేకపోయింది. మరో మ్యాచ్‌లో దబాంగ్‌ ఢిల్లీ 39-26తో తమిళ్‌ తలైవా్‌సపై గెలిచింది.
Updated Date - Nov 09 , 2024 | 05:49 AM
