టాప్‌సీడ్‌కు రిత్విక్‌ జోడీ షాక్‌
ABN, Publish Date - Nov 07 , 2024 | 03:43 AM
తెలుగు ఆటగాడు రిత్విక్‌ చౌదరి బొల్లిపల్లి మోసెల్లె ఓపెన్ టెన్నిస్‌ టోర్నమెంట్‌లో డబుల్స్‌ టైటిల్‌ సాధించే దిశగా ముందంజ వేశాడు. పోర్చుగల్‌కు చెందిన...
మెట్జ్‌ (ఫ్రాన్స్‌): తెలుగు ఆటగాడు రిత్విక్‌ చౌదరి బొల్లిపల్లి మోసెల్లె ఓపెన్ టెన్నిస్‌ టోర్నమెంట్‌లో డబుల్స్‌ టైటిల్‌ సాధించే దిశగా ముందంజ వేశాడు. పోర్చుగల్‌కు చెందిన ఫ్రాన్సిస్కో కాబ్రల్‌ జతగా రిత్విక్‌ పురుషుల డబుల్స్‌లో సెమీఫైనల్‌ చేరాడు. బుధవారం ఇక్కడ జరిగిన క్వార్టర్‌ఫైనల్లో రిత్విక్‌-ఫ్రాన్సిస్కో ద్వయం 7-6(1), 6-4తో టాప్‌సీడ్‌ జంట శాంటియాగో (మెక్సికో)-ఎడ్వర్డ్‌ రోజర్‌ వాసెలిన్‌ (ఫ్రాన్స్‌)కు షాకిచ్చి సంచలనం సృష్టించింది. హైదరాబాద్‌కు చెందిన రిత్విక్‌ ఓ ఏటీపీ టూర్‌ ఈవెంట్‌లో సెమీఫైనల్‌ చేరడం ఇదే తొలిసారి.
Updated Date - Nov 07 , 2024 | 03:43 AM
