స్టీలర్స్‌కు టైటాన్స్‌ షాక్‌
ABN, Publish Date - Nov 19 , 2024 | 06:31 AM
నోయిడా: ఆల్‌రౌండ్‌ ప్రదర్శనతో అదరగొట్టిన తెలుగు టైటాన్స్‌ ప్రొ కబడ్డీ లీగ్‌ (పీకేఎల్‌)లో సంచలన విజయం సాధించింది. వరుసగా ఐదు విజయాలతో జోరుమీదున్న టేబుల్‌ టాపర్‌ హరియాణా స్టీలర్స్‌కు తెలుగు జట్టు షాకిచ్చింది.
నోయిడా: ఆల్‌రౌండ్‌ ప్రదర్శనతో అదరగొట్టిన తెలుగు టైటాన్స్‌ ప్రొ కబడ్డీ లీగ్‌ (పీకేఎల్‌)లో సంచలన విజయం సాధించింది. వరుసగా ఐదు విజయాలతో జోరుమీదున్న టేబుల్‌ టాపర్‌ హరియాణా స్టీలర్స్‌కు తెలుగు జట్టు షాకిచ్చింది. ఆరంభం నుంచి పూర్తి ఆధిపత్యం సాగించిన టైటాన్స్‌ 49-27తో స్టీలర్స్‌ను చిత్తు చేసింది. టైటాన్స్‌ రైడర్లు ఆశిష్‌ నర్వాల్‌ 11 పాయింట్లు, స్టాండిన్‌ కెప్టెన్‌ విజయ్‌ మాలిక్‌ 8 పాయింట్లతో సత్తా చాటగా.. డిఫెండర్‌ సాగర్‌, ఆల్‌రౌండర్‌ శంకర్‌ చెరో రెండు పాయింట్లతో ఆకట్టుకున్నారు. ఇక, డిఫెండర్‌ సాగర్‌ హైఫైవ్‌ సాధించాడు. మొత్తం పది మ్యాచ్‌లకుగాను ఆరు విజయాలు సాధించిన టైటాన్స్‌ 32 పాయింట్లతో ఏడో స్థానంలో కొనసాగుతోంది. హోరాహోరీగా సాగిన మరో మ్యాచ్‌లో యు ముంబా 38-37తో బెంగళూరు బుల్స్‌పై విజయం సాధించింది.
Updated Date - Nov 19 , 2024 | 06:31 AM
