ఇంజన్‌, కల్టివేటర్‌ మధ్య నలిగి రైతు మృతి
ABN, Publish Date - Nov 20 , 2024 | 05:23 AM
పొలం దున్నుతుండగా ప్రమాదవశాత్తు ట్రాక్టర్‌ ఇంజన్‌ మీద పడి రైతు మృతిచెందిన ఘటన మంగళవారం యాదాద్రిభువనగిరి జిల్లా రామన్నపేట మండలంలోని తుమ్మలగూడెం గ్రామంలో జరిగింది. ఎస్‌ఐ మల్లయ్య తెలిపిన వివరాల
పొలం దున్నుతుండగా ట్రాక్టర్‌ పైకి లేచి ప్రమాదం
భువనగిరి జిల్లాలో ఘటన
రామన్నపేట, నవంబరు 19 (ఆంధ్రజ్యోతి): పొలం దున్నుతుండగా ప్రమాదవశాత్తు ట్రాక్టర్‌ ఇంజన్‌ మీద పడి రైతు మృతిచెందిన ఘటన మంగళవారం యాదాద్రిభువనగిరి జిల్లా రామన్నపేట మండలంలోని తుమ్మలగూడెం గ్రామంలో జరిగింది. ఎస్‌ఐ మల్లయ్య తెలిపిన వివరాల ప్రకారం... గ్రామానికి చెందిన రైతు పెద్దగోని నర్సింహ(54) జీవనోపాధి కోసం ట్రాక్టర్‌ కూడా నడుపుతుంటాడు. మంగళవారం మధ్యాహ్నం గ్రామానికి చెందిన ఓ వ్యక్తి పొలం దున్నుతుండగా ట్రాక్టర్‌ ఇంజన్‌ ఒక్కసారిగా పైకిలేచి నర్సింహ మీద పడింది. ఈ ఘటనలో ఇంజన్‌కు వెనుక ఉన్న కల్టీవేటర్‌ మధ్య ఇరుక్కున్న అతను అక్కడికక్కడే మృతిచెందాడు. స్థానికులు వెంటనే పోలీసులకు సమాచారం ఇవ్వడంతో వారు సంఘటనా స్థలాన్ని పరిశీలించారు. పంచనామా నిర్వహించి మృతదేహాన్ని పోస్టుమార్టం నిమిత్తం ఏరియా ఆస్పత్రికి తరలించారు. నర్సింహ కుటుంబసభ్యుల ఫిర్యాదు మేరకు కేసు నమోదుచేసి దర్యాప్తు చేస్తున్నట్లు ఎస్‌ఐ తెలిపారు. కాగా, నర్సింహకు భార్య, ఇద్దరు కుమార్తెలు, కుమారుడు ఉన్నారు.
Updated Date - Nov 20 , 2024 | 05:23 AM
