Diwali: ప్రముఖ హీరో ఇంట్లో దీపావళి సెలబ్రేషన్స్.. నెట్టింట్లో ఫోటోలు వైరల్

సినీ ఇండస్ట్రీకి చెందిన పలువురు ప్రముఖులు తమ కుటుంబ సభ్యులతో కలిసి దీపావళి పండుగను జరుపుకున్నారు. సినీ రంగానికి చెందిన కొందరు తమ దివాళి సెలబ్రేషన్స్ ఫోటోలను సామాజిక మాద్యమాల్లో షేర్ చేశారు. తమ అభిమాన నటుల ఫోటలపై ఫ్యా్న్స్ కామెంట్ల వర్షం కురిపిస్తున్నారు. తన ఫ్యామిలీతో కలిసి దీపావళి వేడుకలు జరుపుకున్న ఫోటోలను జూనియర్ ఎన్టీఆర్ సోషల్ మీడియాలో పోస్టు చేయగా అవి వైరల్ అవుతున్నాయి. ఏవైనా పండుగలు, ప్రత్యేక సందర్భాల్లో సినీ రం ప్రముఖులు తమ ఫోటోలను సోషల్ మీడియాలో షేర్ చేయడం ఆనవాయితీగా వస్తోంది. తాజాగా జూనియర్ ఎన్టీఆర్ దీపావళి సెలబ్రేషన్స్ ఫోటోలు వైరల్ అవుతున్నాయి.

టాలీవుడ్ యంగ్ టైగర్ ఎన్టీఆర్ దీపావళి పండుగను తన ఫ్యామిలీతో కలిసి గ్రాండ్‌గా సెలబ్రేట్ చేసుకున్నారు. దీనికి సంబంధించిన ఫొటోలను సోషల్ మీడియాలో షేర్ చేస్తూ తన అభిమానులకు దీపావళి శుభాకాంక్షలు తెలిపారు. భార్య ప్రణతి, కుమారులు అభయ్, భార్గవ్ తో కలిసి ఉన్న పిక్ ను ఇన్ స్టాగ్రామ్ లో పోస్ట్ చేశారు. ఈ ఫొటోను చూసిన ఎన్టీఆర్ ఫ్యాన్స్ ఫుల్ ఖుషిగా ఫీల్ అవుతూ.. ' జై ఎన్టీఆర్ ' అంటూ కామెంట్స్ చేస్తున్నారు. అదే సమయంలో పారిశ్రామిక వేత్త శిల్పా రెడ్డి కూడా దీపావళి సెలబ్రేషన్స్ ఫోటోలను షేర్ చేశారు. జూనియర్ ఎన్టీఆర్ తోపాటు వారి ఫ్రెండ్స్ తో కలిసి శిల్పారెడ్డి దీపావళి వేడుకలు జరుపుకున్నారు. దీనికి సంబంధించిన ఫొటోలను తన సోషల్ మీడియాలో షేర్ చేశారు. ఈ పిక్ ను చూసిన టాలీవుడ్ స్టార్ హీరోయిన్ సమంత రూత్ ప్రభు ' ఆల్ మై ఫేవరేట్స్' అంటూ కామెంట్స్ చేసింది. ఇటీవలె దేవర మూవీతో ప్రేక్షకులను అలరించిన ఎన్టీఆర్ దీపావళి పండుగ సందర్భంగా ఫొటోను షేర్ చేయడంతో అభిమానులు ఆ ఫొటోను సోషల్ మీడియాలో తెగ వైరల్ చేస్తున్నారు.

జూనియర్ ఎన్టీఆర్ సినిమాల విషయానికి వస్తే.. ఎన్టీఆర్ మనవడిగా, హరికృష్ణ తనయుడిగా టాలీవుడ్ లోకి ఎంట్రీ ఇచ్చినా సినిమా రంగంలో తనదైన ముద్ర వేశారు. 'RRR' వంటి ప్యాన్ ఇండియా మూవీలో నటించి మ్యాన్ ఆఫ్ ది మాసెస్ గా ప్రపంచ వ్యాప్తంగా క్రేజ్ సంపాదించుకున్నారు. ఆర్ ఆర్ ఆర్ సినిమా అనంతరం రెండు సంవత్సరాల తర్వాత 'దేవర' పార్ట్ 1లో కనిపించారు. దసరా సందర్భంగా రిలీజ్ అయిన ఈ మూవీ బాక్సాఫీస్ వద్ద వసూళ్ల వర్షం కురిపించింది. బాలీవుడ్ బ్యూటీ జాన్వీ కపూర్ దేవర మూవీలో హీరోయిన్ గా నటించి టాలీవుడ్ లోకి ఎంట్రీ ఇచ్చింది.

మరిన్ని వార్తల కోసం ఇక్కడ క్లిక్ చేయండి

Read More Latest Telugu News Click Here