Kumaram Bheem Asifabad: ఘనంగా కార్తీక పౌర్ణమి
ABN, Publish Date - Nov 15 , 2024 | 10:06 PM
ఆసిఫాబాద్‌ జిల్లా కేంద్రంతోపాటు మండలాల్లో శుక్రవారం కార్తీకపౌర్ణమి వేడుకలను ఘనంగా జరుపుకున్నారు.
ఆసిఫాబాద్‌/కాగజ్‌నగర్‌/ బెజ్జూరు/ పెంచికలపేట/ దహెగాం/చింతలమానేపల్లి/కెరమెరి/కౌటాల/సిర్పూర్‌(టి)/ దహెగాం, నవంబరు 15(ఆంధ్రజ్యోతి): ఆసిఫాబాద్‌ జిల్లా కేంద్రంతోపాటు మండలాల్లో శుక్రవారం కార్తీకపౌర్ణమి వేడుకలను ఘనంగా జరుపుకున్నారు. ఆలయాలు భక్తులతో కిటకిటలాడాయి. దీపారాధన, తులసీ కల్యాణం, భజనలు చేపట్టారు. మహిళలు తమ ఇళ్లలో తులసీ కల్యాణం చేపట్టి సమీపనదుల్లో దీపారాధన కార్యక్రమం నిర్వహించారు. మహిళలు దీపాలు వెలిగించి ఉసిరిక చెట్టు వద్ద పూజలు నిర్వహించారు.
పెంచికలపేట, దహెగాంలలో పెద్దవాగులో సైకతశివలింగానికి ప్రత్యేకపూజలు నిర్వహించారు. భక్తులు కార్తీక దీపాలను పెద్దవాగులో వదిలారు. దహెగాం మండల కేంద్రంలోని శివకేశవ ఆలయంలో శుక్రవారం సాయంత్రం కార్తీక దీపోత్సవ సందడినెలకొంది. మహిళా భక్తులు అధిక సంఖ్యలో పాల్గొని కార్తీక దీపాలు వెలిగించారు.
Updated Date - Nov 15 , 2024 | 10:06 PM
