హైదరాబాద్: అక్కినేని నాగేశ్వరరావు శత జయంతిని పురస్కరించుకుని టాలీవుడ్ మెగాస్టార్ చిరంజీవి (Megastar Chiranjeevi) కి ప్రతిష్ఠాత్మక ‘ఏఎన్‌ఆర్‌ అవార్డు’ (ANR National Award 2024)ను ప్రకటించిన విషయం తెలిసిందే. ఈ నేపథ్యంలో అవార్డు ప్రదానోత్సవ వేడుక సోమవారం అట్టహసంగా జరిగింది. బాలీవుడ్ బిగ్‌ బీ అమితాబ్ బచ్చన్(Amitabh Bachchan) ఈ కార్యక్రమానికి ముఖ్య అతిథిగా హ‌జ‌రై చిరంజీవికి అవార్డును అందజేశారు. కార్యక్రమం అనంతరం మెగాస్టార్ చిరంజీవి మాట్లాడుతూ..

"ఎవరైనా ఇంట గెలిచి రచ్చ గెలవాలని చెబుతారు. నేను నా సినీ ప్రస్థానంలో రచ్చ గెలిచాను. ఇంట గెలిచే అవకాశం సినీ వజ్రోత్సవాల్లో వచ్చింది. లెజెండరీ అవార్డు ప్రదానంతో ధన్యుడిగా భావిస్తున్నాను. నాకు లెజెండరీ అవార్డు ఇవ్వడం కొందరికి నచ్చలేదు. అందుకే అవార్డు తీసుకోవడం సముచితం కాదనిపించింది. అందుకే ఆరోజు లెజెండరీ అవార్డును క్యాప్సుల్స్ బాక్సులో వేశాను. పద్మ విభూషణ్ సహా ఎన్నో అవార్డులు వచ్చినా అసంతృప్తి మిగిలే ఉంది’ అని చిరంజీవి భావోద్వేగానికి లోనయ్యారు. హైదరాబాద్‌ అన్నపూర్ణ స్టూడియోలో జరిగిన ఈ కార్యక్రమానికి టాలీవుడ్ అతిరథ మహారథులంతా తరలివచ్చారు.

Fraud: పోలీసులు గుర్తు పట్టకుండా ప్లాస్టిక్ సర్జరీ.. చివరకు