అట్టహాసంగా దివ్యాంగుల క్రీడా పోటీలు
ABN, Publish Date - Nov 23 , 2024 | 10:54 PM
పేట జిల్లా కేంద్రంలోని మినీ స్టేడియం మైదానంలో శనివారం దివ్యాంగుల క్రీడా పోటీలు జరిగాయి.
నారాయణపేట టౌన్‌, నవంబరు 23 (ఆంధ్రజ్యోతి): పేట జిల్లా కేంద్రంలోని మినీ స్టేడియం మైదానంలో శనివారం దివ్యాంగుల క్రీడా పోటీలు జరిగాయి. అంతర్జాతీయ దివ్యాం గుల దినోత్సవం సందర్భంగా నిర్వహించిన క్రీడా పోటీలను కలెక్టర్‌ సిక్తా పట్నాయక్‌ ముఖ్య అతిథిగా హాజరై ప్రారంభించారు. ఈ సందర్భంగా కలెక్టర్‌ మాట్లాడుతూ దివ్యాంగులను ఎవరూ చిన్నచూపు చూడొద్దన్నారు. దివ్యాంగులు ఆవేదన చెందకుండా ఉద్యోగ, క్రీడా రంగాల్లో రాణించాలని కోరారు. అనంతరం షాట్‌పుట్‌, రన్నింగ్‌, చెస్‌, క్యారం పోటీలను నిర్వహించగా జిల్లా నలుమూలల నుంచి వచ్చిన దివ్యాంగులు ఉత్సాహంగా పోటీల్లో పాల్గొన్నారు. విజేతలకు డిసెంబరు మూడో తేదీన బహుమతులు అంద జేస్తామన్నారు. కార్యక్రమంలో డీవైఎస్‌వో వెంక టేష్‌, డీపీఆర్‌వో రశీద్‌, సీడీపీవో వెంకటమ్మ తదితరులున్నారు.
Updated Date - Nov 23 , 2024 | 10:54 PM
