వేంకటేశ్వరుడికిశేష వాహన సేవ
ABN, Publish Date - Nov 04 , 2024 | 11:30 PM
కలియుగ ప్రత్యక్షదైవం, తిరుమల శ్రీనివాసుడి ప్రతిరూరం, పేదల తిరుపతిగా పూజలందుకుంటున్న కురుమూర్తి వేంకటేశ్వరస్వామి బ్రహ్మోత్సవాల్లో భాగంగా స్వామి వారు సోమవారం రాత్రి శేషవాహనంపై ఊరేగారు.
ఘనంగా కొనసాగుతున్న కురుమూర్తి బ్రహ్మోత్సవాలు
చిన్నచింతకుంట, నవంబరు 4 (ఆంధ్రజ్యోతి): కలియుగ ప్రత్యక్షదైవం, తిరుమల శ్రీనివాసుడి ప్రతిరూరం, పేదల తిరుపతిగా పూజలందుకుంటున్న కురుమూర్తి వేంకటేశ్వరస్వామి బ్రహ్మోత్సవాల్లో భాగంగా స్వామి వారు సోమవారం రాత్రి శేషవాహనంపై ఊరేగారు. శ్రీదేవీ, భూదేవీ సమేతంగా స్వామి వారు శేషవాహనంలో ఊరేగుతూ భక్తులకు దర్శనమిచ్చారు. ఈ సందర్భంగా భక్తుల గోవింద నామస్మరణ మారుమోగింది. పూనకాలతో పరవశించి పోయారు. మంగళవాయిద్యాల నడుమ స్వామి వారిని భక్తులు ఊరేగించారు. కార్యక్రమంలో ఆలయ చైర్మన్‌ గోవర్ధన్‌రెడ్డి, మాజీ చైర్మన్‌ సురేందర్‌రెడ్డి, పాలవర్గం సభ్యులు భాస్కరాచారి, కమలాకర్‌, వెంకటేశ్వర్‌రెడ్డి పాల్గొన్నారు.
Updated Date - Nov 04 , 2024 | 11:30 PM
