జీవితంలో బదిలీలు సహజం

సిద్దిపేట టౌన్‌, జూలై22: ఉద్యోగి జీవితంలో బదిలీలు సహజమని సిద్దిపేట మున్సిపల్‌ చైర్‌పర్సన్‌ మంజులరాజనర్సు పేర్కొన్నారు. సిద్దిపేట మున్సిపల్‌ కార్యాలయంలో వివిధ విభాగాలలో విధులు నిర్వహిస్తున్న తొమ్మిదిమంది ఉద్యోగులు బదిలీపై వెళుతున్న సందర్భంగా సోమవారం వారికి వీడ్కోలు సమావేశం ఏర్పాటు చేసి చైర్‌పర్సన్‌ మంజులరాజనర్సు, మున్సిపల్‌ కమిషనర్‌ ప్రసన్నరాణి, మున్సిపల్‌ వైస్‌ చైర్మన్‌ జంగిటి కనకరాజు, పట్టణ కౌన్సిలర్లు సన్మానించారు. ఈ సందర్భంగా మున్సిపల్‌ చైర్‌పర్సన్‌ మంజులరాజనర్సు మాట్లాడుతూ.. బదిలీపై వెళుతున్న వారందరూ సిద్దిపేట మున్సిపాలిటీ అభివృద్ధిలో ఏవిధంగా సహాయసహకారాలు అందించారో వెళ్తున్న మున్సిపాలిటీలలో కూడా అదేవిదంగా విధులు నిర్వహించి అధికారుల మన్నన్నలు పొందాలని సూచించారు. బదిలీపై వెళ్తున్న ఉద్యోగులు మాట్లాడుతూ.. సిద్దిపేట మున్సిపాలిటీ తమకు అమ్మలాంటిదని, తమకు ఎన్నో అనుభవాలను ఇచ్చిందన్నారు. కార్యక్రమంలో మున్సిపల్‌ మాజీ చైర్మన్‌ రాజనర్సు, కౌన్సిలర్లు కలకుంట్ల మల్లికార్జున్‌, సద్ది నాగరాజురెడ్డి, కో అప్షన్‌ సభ్యులు మహమ్మద్‌ సయ్యద్‌, మున్సిపల్‌ అధికారులు, సిబ్బంది తదితరులు పాల్గొన్నారు.