లారీని ఢీకొన్న ట్రావెల్స్‌ బస్సు: డ్రైవర్‌ మృతి
ABN, Publish Date - Sep 03 , 2024 | 12:34 AM
చౌటుప్పల్‌ మండలం ధర్మాజిగూడెం జాతీయ రహదారిపై సోమవారం తెల్లవారుజామున జరిగిన రోడ్డు ప్రమాదంలో ప్రైవేటు ట్రావెల్స్‌ బస్సు డ్రైవర్‌ దుర్మరణం చెందాడు.
చౌటుప్పల్‌ రూరల్‌, సెప్టెంబరు 2: చౌటుప్పల్‌ మండలం ధర్మాజిగూడెం జాతీయ రహదారిపై సోమవారం తెల్లవారుజామున జరిగిన రోడ్డు ప్రమాదంలో ప్రైవేటు ట్రావెల్స్‌ బస్సు డ్రైవర్‌ దుర్మరణం చెందాడు. సీఐ మన్మథరావు తెలిపిన వివరాల ప్రకారం.. ఆంధ్రప్రదేశ రాష్ట్రం ఒంగోలు నుంచి హైదరాబాద్‌కు వెళుతున్న ఆరెంజ్‌ ట్రావెల్స్‌ బస్సు ముందుగా వెళుతున్న లారీని ఢీకొట్టింది. ఈ ఘటనలో బ స్సు డ్రైవర్‌ చెంచు రామయ్య(42) తీవ్ర గాయాలు కావడంతో మృతి చెందాడు. మ రో ముగ్గురు ప్రయాణికులు స్వల్పంగా గాయపడ్డారు. మృతదేహాన్ని స్థానిక అసుపత్రిలో పోస్టుమార్టం నిర్వహించారు. కేసు దర్యాప్తు చేస్తున్నట్టు సీఐ తెలిపారు.
Updated Date - Sep 03 , 2024 | 07:59 AM
