గొంతులో మటన్‌ ముక్క ఇరుక్కొని వ్యక్తి మృతి
ABN, Publish Date - Nov 20 , 2024 | 11:50 PM
గొంతులో మటన్‌ ముక్క ఇరుక్కుని వ్యక్తి మృతి చెందిన సంఘట రంగారెడ్డి జిల్లా షాబాద్‌లో బుధవారం చోటు చేసుకుంది. స్థానికులు తెలిపిన వివరాల ప్రకారం షాబాద్‌ మండల పరిధిలోని అంతారం గ్రామానికి చెందిన కావలి జంగయ్య (58) షాబాద్‌లో ఓ ఫంక్షన్‌ హాల్‌లో జరిగిన బంధువుల పెళ్లికి హాజరయ్యాడు.
షాబాద్‌, నవంబరు 20(ఆంధ్రజ్యోతి) : గొంతులో మటన్‌ ముక్క ఇరుక్కుని వ్యక్తి మృతి చెందిన సంఘట రంగారెడ్డి జిల్లా షాబాద్‌లో బుధవారం చోటు చేసుకుంది. స్థానికులు తెలిపిన వివరాల ప్రకారం షాబాద్‌ మండల పరిధిలోని అంతారం గ్రామానికి చెందిన కావలి జంగయ్య (58) షాబాద్‌లో ఓ ఫంక్షన్‌ హాల్‌లో జరిగిన బంధువుల పెళ్లికి హాజరయ్యాడు. పెళ్లిలో భోజనం చేస్తుండగా గొంతులో మటన్‌ ముక్క ఇరుక్కుని మృతిచెందాడు. మృతుడికి భార్య, కుమారుడు, ఇద్దరు కూతుళ్లు ఉన్నారు.
చికిత్స పొందుతూ యువకుడు..
కేశంపేట, నవంబరు 20(ఆంధ్రజ్యోతి): మండల పరిధిలోని పోమాల్‌పల్లికి చెందిన కేశంపేట మల్లేష్‌(24) గత శనివారం లేమామిడి శివారులో రోడ్డు ప్రమాదానికి గురై తీవ్రంగా గాయపడ్డాడు. అతడు కోమాలోకి వెళితే ఉస్మానియాకు తరలించగా చికిత్స పొందుతూ బుధవారం ఉదయం మృతిచెందినట్లు కుటుంబ సభ్యులు వివరించారు. మృతునికి భార్య మంజుల, ఇద్దరు కూతుళ్లున్నారు. వారిలో ఒకరికి రెండేళ్లు, మరొకరు 10రోజుల నవజాత శిశువు. మల్లేష్‌ వైద్యం, మందుల కోసం దాతలు విరాళాలు ఇచ్చారు. మల్లేష్‌ మృతితో ఆ కుటుంబం రోడ్డున పడింది. ఈమేరకు కేసు నమోదు చేసుకొని విచారణ చేస్తున్నట్లు సీఐ నరహరి తెలిపారు.
Updated Date - Nov 20 , 2024 | 11:50 PM
