గోదాంపైనుంచి పడి మేస్త్రి మృతి

కొత్తూర్‌, సెప్టెంబర్‌ 24: మండలంలోని ఇన్ముల్‌నర్వ శివారులో నిర్మిస్తున్న గోదాం పైనుంచి పడి అప్కిల్‌మియా(40) అనే మేస్త్రి మృతిచెందినట్లు ఇన్‌స్పెక్టర్‌ నర్సింహారావు మంగళవారం తెలిపారు. పశ్చిమబెంగాల్‌కు చెందిన అప్కిల్‌మియా కుటుంబసభ్యులతో ఇన్ముల్‌నర్వలో ఉంటూ భవన నిర్మాణ మేస్త్రిగా పనిచేసేవాడు. సోమవారం సాయంత్రం ఓ గోదాం పైభాగంలో పనులు చేస్తుండగా జారి పడి తలకు గాయాలయ్యాయన్నారు. అప్కిల్‌మియాను శంషాబాద్‌లోని ప్రైవేట్‌ అసుపత్రికి తరలించగా, చికిత్స పొందుతూ మంగళవారం మృతిచెందినట్లు తెలిపారు. అప్కిల్‌మియాకు భార్య, కుమారుడు, కుమార్తె ఉన్నారు. మృతదేహాన్ని పోస్టుమార్టంకు తరలించామన్నారు. అప్కిల్‌మియా బావమరిది మాలిక్‌ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఇన్‌స్పెక్టర్‌ తెలిపారు.

చేపల వేటకు వెళ్లి వ్యక్తి...

చౌదరిగూడ: చేపల వేటకు వెళ్లిన వ్యక్తి మృతిచెందిన ఘటన కొందుర్గు మండలంలో చోటుచేసుకుంది. తంగళ్లపల్లికి చెందిన చెక్కలి అంజనేయులు(30) సోమవారం మహబూబ్‌నగర్‌ జిల్లా నవాబుపేట మండలంలోని గురుకుంటలో చెరువులో చేపల వేటకు వెళ్లాడు. మంగళవారం అతడి మృతదేహం తేలింది. ప్రమాదవశాత్తు చెరువులో మునిగి మృతిచెందినట్టు స్థానికులు తెలిపారు.

అనుమానాస్పద స్థితిలోఒకరు ...

మొయినాబాద్‌: అనుమానాస్పద స్థితిలో వ్యక్తి మృతిచెందిన ఘట న నాగిరెడ్డిగూడలో జరిగింది. పోలీసులు తెలిపిన వివరాల ప్రకారం.. నాగిరెడ్డిగూడ కు చెందిన డి.యాదయ్య(45), అతడి సోదరుడు సంజీవ డబ్బుల విషయంలో సోమవారం రాత్రి గొడవపడ్డారు. వీరితో పాటు అతడి తల్లి జంగమ్మ ఒకే ఒంట్లో ఉంటున్నారు. గొడవ అనంతరం సోదరులు, వారి తల్లి ఇంట్లోనే పడుకున్నాడు. మంగళవా రం ఉదయానికల్లా యాదయ్య చనిపోయాడు. దీంతో అతడి తల్లి యాదయ్య కూతు రు శైలజకు తెలిపింది. అక్కడికొచ్చిన శైలజ తన తండ్రి మరణంపై అనుమానాలు న్నాయని పోలీసులకు ఫిర్యాదు చేసింది. పోలీసులు చేరుకొని వివరాలు సేకరించారు. యాదయ్య వొంటిపై గాయాలున్నట్లు ఎస్‌ నర్సింహారావు తెలిపారు. శైలజ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు తెలిపారు.