రోడ్డు ప్రమాదంలో మహిళ మృతి
ABN, Publish Date - Nov 14 , 2024 | 12:07 AM
అవుటర్‌పై జరిగిన రోడ్డు ప్రమాదంలో మహిళ మృతి చెందిన ఘటన బుధవారం కీసర పోలీ్‌సస్టేషన్‌ పరిధిలో చోటుచేసుకుంది.
ఇద్దరికి గాయాలు
కీసర రూరల్‌, నవంబరు 13 (ఆంధ్రజ్యోతి): అవుటర్‌పై జరిగిన రోడ్డు ప్రమాదంలో మహిళ మృతి చెందిన ఘటన బుధవారం కీసర పోలీ్‌సస్టేషన్‌ పరిధిలో చోటుచేసుకుంది. ఇన్‌స్పెక్టర్‌ వెంకటయ్య తెలిపిన వివరాల ప్రకారం.. రాజన్నసిరిసిల్ల జిల్లా వేములవాడ మండలం, లింగంపల్లికి చెందిన కొలిపాక సుమన్‌ గచ్చిబౌలిలోని పంజాబ్‌ నేషనల్‌ బ్యాంక్‌లో మార్కెటింగ్‌ ఏజంట్‌గా పనిచేస్తూ జీవనోపాధి పొందుతున్నాడు. కాగా భార్య రోషిణి(23), కూతురు వైష్ణవితో కలిసి ఉప్పల్‌ భగాయత్‌లో నివాసముంటున్నాడు. పని నిమిత్తం స్వగ్రామానికి వెళ్లిన అతను అవుటర్‌ రింగ్‌ రోడ్డు మీదుగా కారులో ప్రయాణం చేస్తున్నారు. కీసర నుంచి ఘట్‌కేసర్‌ వైపుకు ప్రయాణిస్తుండగా రాంపల్లిదాయర ప్రాంతంలో ముందు ప్రయాణిస్తున్న గుర్తుతెలియని మరో వాహనాన్ని ఢీకొన్నారు. దీంతో కారు ధ్వంసం కావటంతో పాటు ముగ్గురికి తీవ్రగాయాలయ్యాయి. స్పందించిన అవుటర్‌ పెట్రోలింగ్‌ సిబ్బంది చికిత్స నిమిత్తం వారిని అస్పత్రికి తరలిస్తుండగా రోషిణి మార్గమధ్యలో మృతిచెందింది. మిగతా ఇద్దరు ఘట్‌కేసర్‌ ఏరియా అస్పత్రిలో చికిత్స పొందుతున్నారు. ఈ మేరకు కీసర పోలీసులు కేసు నమోదు చేసుకుని దర్యాప్తు చేస్తున్నారు.
Updated Date - Nov 14 , 2024 | 12:07 AM
