రోడ్డు ప్రమాదంలో గుర్తు తెలియని వ్యక్తి మృతి
ABN, Publish Date - Nov 15 , 2024 | 11:48 PM
షాద్‌నగర్‌ పోలీస్‌ స్టేషన్‌ పరిధిలోని బైపాస్‌ రోడ్డులో గుర్తుతెలియని వ్యక్తి రోడ్డు ప్రమాదంలో మృతిచెందినట్లు ఇన్‌స్పెక్టర్‌ విజయ్‌కుమార్‌ తెలిపారు.
షాద్‌నగర్‌ రూరల్‌, నవంబరు 15(ఆంధ్రజ్యోతి): షాద్‌నగర్‌ పోలీస్‌ స్టేషన్‌ పరిధిలోని బైపాస్‌ రోడ్డులో గుర్తుతెలియని వ్యక్తి రోడ్డు ప్రమాదంలో మృతిచెందినట్లు ఇన్‌స్పెక్టర్‌ విజయ్‌కుమార్‌ తెలిపారు. సుమారు 35 సంవత్సరాల వయస్సు కలిగిన వ్యక్తి రోడ్డు పక్కన మృతిచెంది కనిపించినట్లు తెలిపారు. అతడి పక్కన ఏపీ 39 సీఏ 8096 నెంబరు గల పల్సర్‌ బైక్‌ కిందపడి ఉందని తెలిపారు. మృతుడి శరీరంపై బ్లాక్‌ కలర్‌ టీ షర్టు, బ్లూ కలర్‌ ప్యాంట్‌ ఉన్నట్లు తెలిపారు. మృతుడి ఆచూకీ తెలిసిన వారు షాద్‌నగర్‌ పోలీసులకు సమాచారం ఇవ్వాలని ఇన్‌స్పెక్టర్‌ కోరారు.
Updated Date - Nov 15 , 2024 | 11:48 PM
