గుర్తుతెలియని వ్యక్తి మృతి
ABN, Publish Date - Nov 13 , 2024 | 12:14 AM
రోడ్డు ప్రమాదంలో గుర్తుతెలియని వ్యక్తి మృతిచెందిన ఘటన శంషాబాద్‌లో జరిగింది. పోలీసులు తెలిపిన వివరాల మేరకు.. సోమవారం రాత్రి పెద్దషాపూర్‌ గ్రామ పరిధిలో గల ఎన్‌హెచ్‌ 44 రోడ్డుపై శంషాబాద్‌ వైపు వెళ్లే దారిలో ఓ గుర్తు తెలియని వ్యక్తి రోడ్డు ప్రమాదంలో తీవ్ర గాయాలపాలయ్యాడు.
శంషాబాద్‌ రూరల్‌, నవంబరు 12 (ఆంధ్రజ్యోతి): రోడ్డు ప్రమాదంలో గుర్తుతెలియని వ్యక్తి మృతిచెందిన ఘటన శంషాబాద్‌లో జరిగింది. పోలీసులు తెలిపిన వివరాల మేరకు.. సోమవారం రాత్రి పెద్దషాపూర్‌ గ్రామ పరిధిలో గల ఎన్‌హెచ్‌ 44 రోడ్డుపై శంషాబాద్‌ వైపు వెళ్లే దారిలో ఓ గుర్తు తెలియని వ్యక్తి రోడ్డు ప్రమాదంలో తీవ్ర గాయాలపాలయ్యాడు. విషయం తెలుసుకున్న శంషాబాద్‌ పెట్రోలింగ్‌ సిబ్బంది సంఘటన స్థలానికి చేరుకొని పరిశీలించగా గుర్తుతెలియని వ్యక్తి (50-55), ప్రమాదంలో శరీరంపై తీవ్ర గాయాలు కావడంతో అక్కడిక్కడే మృతి చెందాడు. మృతదేహాన్ని ఉస్మానియాకు తరలించారు. మృతుడు పెద్దషాపూర్‌ గ్రామ పరిధిలో రోడ్డు దాటుతుండగా షాద్‌నగర్‌ వైపు నుంచి వస్తున్న కారు ఢీకొట్టడంతో మృతిచెందినట్లు పోలీసులు తెలిపారు. మృతుడి ఒంటిపై ముదురు నీలిరంగు షర్టుతో పాటు తెల్లటి గడ్డం, తల వెంట్రుకలున్నాయి. ఈమేరకు కేసు నమోదు చేసి దర్యాప్తు చేస్తున్నట్లు ఎస్సై నరేందర్‌రెడ్డి తెలిపారు. వివరాలు తెలిసినవారు పోలీస్‌స్టేషన్‌లో సంప్రదించాలని ఎస్సై తెలిపారు.
Updated Date - Nov 13 , 2024 | 12:14 AM
