మధ్యాహ్న భోజనంలో నాణ్యత పాటించాలి
ABN, Publish Date - Nov 29 , 2024 | 10:56 PM
ప్రభుత్వం ప్రతిష్టాత్మకంగా అమలు చేస్తున్న మధ్యాహ్న భోజన పథకం అమలులో నిర్లక్ష్యం వహించొద్దని, నాణ్యతతో అందించాలని జిల్లా పంచాయతీ అధికారి కె.లక్ష్మీనారాయణ ఆదేశించారు.
మహేశ్వరం, నవంబరు 29(ఆంధ్రజ్యోతి): ప్రభుత్వం ప్రతిష్టాత్మకంగా అమలు చేస్తున్న మధ్యాహ్న భోజన పథకం అమలులో నిర్లక్ష్యం వహించొద్దని, నాణ్యతతో అందించాలని జిల్లా పంచాయతీ అధికారి కె.లక్ష్మీనారాయణ ఆదేశించారు. శుక్రవారం మహేశ్వరం మండలంలోని తుమ్మలూరు ఉన్నత పాఠశాలను ఆయన ఆకస్మిక తనిఖీ చేశారు. ఈ సందర్భంగా మాట్లాడుతూ విద్యార్థులకు సరిపోను భోజనం అందించాలని తెలిపారు. అనంతరం విద్యార్థులతో మాట్లాడారు. సిలబస్‌ ఎంతవరకు అయ్యిందని, పాఠాలు అర్ధమవుతున్నాయా అని అడిగి తెలుసుకున్నారు. కార్యక్రమంలో మండల పంచాయతీ అఽధికారి రవీందర్‌రెడ్డి, పంచాయతీ కార్యదర్శి అలివేలు పాల్గొన్నారు.
Updated Date - Nov 29 , 2024 | 10:56 PM
