రెండు ద్విచక్రవాహనాలు ఢీ.. వ్యక్తి మృతి
ABN, Publish Date - Nov 25 , 2024 | 12:07 AM
మండల కేంద్రానికి సమీపంలో పెంజర్ల రోడ్డుపై శనివారం రాత్రి రెండు ద్విచక్రవాహనాలు ఢీకొన్న ప్రమాదంలో ఒకరు మృతి చెందగా, మరో ఇరువురు గాయపడ్డారని ఇన్‌స్పెక్టర్‌ నర్సింహరావు తెలిపారు.
ఇద్దరికి తీవ్ర గాయాలు
కొత్తూర్‌, నవంబరు 24(ఆంధ్రజ్యోతి): మండల కేంద్రానికి సమీపంలో పెంజర్ల రోడ్డుపై శనివారం రాత్రి రెండు ద్విచక్రవాహనాలు ఢీకొన్న ప్రమాదంలో ఒకరు మృతి చెందగా, మరో ఇరువురు గాయపడ్డారని ఇన్‌స్పెక్టర్‌ నర్సింహరావు తెలిపారు. కొత్తూర్‌లో హెయిర్‌ కటింగ్‌ సెలూన్‌ నడుపుతున్న మంగళి కిషోర్‌(42) రోజూ మాదిరిగానే రాత్రి షాపును మూసి తన ద్విచక్రవాహనంపై కొత్తూర్‌ తండాలో ఉన్న ఇంటికి బయలుదేరాడు. ఈక్రమంలో రోడ్డు వద్ద టర్నింగ్‌ తీసుకుంటుండగా వెనుకాల నుంచి అతివేగంగా నడుపుకుంటూ వచ్చిన మరో బైకిస్టు కిషోర్‌ బైక్‌ను ఢీకొట్టడంతో రెండు బైక్‌లపై ఉన్న ముగ్గురు వ్యక్తులు తీవ్రంగా గాయపడ్డారు. కిషోర్‌ను శంషాబాద్‌లోని ఓ ప్రైవేట్‌ అసుపత్రికి తరలించగా, చికిత్స పొందుతూ ఆదివారం ఉదయం మృతిచెందాడు. శ్రీకాంత్‌, సందీ్‌పలు ఆసుపత్రిలో చికిత్స పొందుతున్నారు. మృతుడి సోదరుడు నరేష్‌ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఇన్‌స్పెక్టర్‌ నర్సింహరావు తెలిపారు.
Updated Date - Nov 25 , 2024 | 12:07 AM
