టీబీ నివారణలో అద్వితీయం
ABN, Publish Date - Mar 26 , 2024 | 11:48 PM
టీబీ నిర్ధారణ, చికిత్స, నియంత్రణలో వికారాబాద్‌ జిల్లా రాష్ట్రంలో ద్వితీయ స్థానంలో ఉందని జిల్లా వైద్య ఆరోగ్య అధికారి పాల్వన్‌కుమార్‌ తెలిపారు. ప్రపంచ టీబీ నివారణ దినోత్సవాన్ని పురస్కరించుకుని రామయ్యగూడ పీహెచ్‌సీ నుంచి పోలీస్‌ స్టేషన్‌ వరకు ర్యాలీ నిర్వహించారు.
జిల్లా వైద్య ఆరోగ్య శాఖ అధికారి పల్వన్‌ కుమార్‌
వికారాబాద్‌, మార్చి 26 : టీబీ నిర్ధారణ, చికిత్స, నియంత్రణలో వికారాబాద్‌ జిల్లా రాష్ట్రంలో ద్వితీయ స్థానంలో ఉందని జిల్లా వైద్య ఆరోగ్య అధికారి పాల్వన్‌కుమార్‌ తెలిపారు. ప్రపంచ టీబీ నివారణ దినోత్సవాన్ని పురస్కరించుకుని రామయ్యగూడ పీహెచ్‌సీ నుంచి పోలీస్‌ స్టేషన్‌ వరకు ర్యాలీ నిర్వహించారు. ముందుగా డీఎంహెచ్‌వో జెండా ఊపి ర్యాలీని ప్రారంభించారు. ఈ సందర్భంగా ఆయన మాట్లాడుతూ. ఇదే స్ఫూర్తిని కొనసాగించి వచ్చేఏడాదికి టీబీ నివారణలో రాష్ట్రంలోనే ప్రథమ స్థానంలో వికారాబాద్‌ జిల్లా ఉండాలని సిబ్బందికి ఆదేశించారు. టీబీ నిర్మూలనకు విశేషంగా కృషి చేసిన వైద్యాధికారులు గిరిధర్‌, ప్రవీణ్‌, సిబ్బందికి ప్రశంసా పత్రాలు అందజేసి అభినందించారు. ఈ కార్యక్రమంలో టీబీ ప్రొగ్రామ్‌ ఆఫీసర్‌ రవీంద్ర యాదవ్‌, ప్రొగ్రామ్‌ఆఫీసర్‌ డాక్టర్‌ పవిత్ర సిబ్బంది తదితరులు పాల్గొన్నారు.
Updated Date - Mar 26 , 2024 | 11:48 PM
